جميع من قدم عليها لم ينجح، وظيفة شاغرة بمواصفات خاصة في قصر رونالدو الفخم بمقابل مش هتتخيلوه، لكن الغريبة إنه لم ينجح أحد من المتقدمين حتى فما القصة؟ تابعونا من خلال هذا التقرير لتعرفوا التفاصيل:
صحيفة “ديلي ميل” البريطانية كشفت إن أن النجم البرتغالي كريستيانو رونالدو بدأ يستعدل لمرحلة اعتزاله كرة القدم، وده خلاه يعمل ترتيبات معنيه عشان يعيش الفترة دي في سعادة وراحة.
الديلي ميل قالت كمان أن رونالدو بيجهز بيت أطلقوا عليه منزل التقاعد في البرتغال و قيمته وصلت لـ 17 مليون جنيه إسترليني.
والبيت ده بقى بيقع في فندق أسمه كوينتا دي مارينيا بالبرتغال، والمفترض إنه إجراءات البناء بتاعته تنتهي في شهر يونيو اللي جاي .
اللي الصحيفة أكدته كمان إن كرستيانوا رونالدوا أسطورة البرتغال حاسس بالإحباط بسبب وجود وظيفة شاغرة بمواصفات خاصة في القصر بتاعه، لكن هو لحد دلوقتي مش قادر يلاقي حد مناسب ينفع للوظيفة دي.
وقالت الصحيفة أن الوظيفة هي العثور على منصب الشيف لرونالدوا واسرته في القصر، لكن في شروط خاصة للوظيفة دي وهي إنه يكون بيطبق الأكل البرتغالي، ومقابل ده هيقبض مرتب شهري 4500 جنيه إسترليني يعني حوالي 5549 دولارا أمريكيا، وبحسبه بسيطة المرتب ده بالمصري يعمله حوالي 170 الف جنيه يابلاش!
لكن زي ما قولنا الشرط الوحيد إنه اللي يقدم على الوووظيفة يكون بيعرف يحضر الطعام البرتغالي التقليدي، غير كمان إنه لازم يكون بيعرف يعمل بعض الأطباق العالمية زي السوشي، وده لأن في منطقة مصممة خصيصا في القصر الفخم بتاع روزنالدو لتحضير الأطباق اليابانية الشهية.
وحسب تصريحات صحيفة برتغاليه أكدت أن رونالدو باع واحده الشقق الخاصة بيه عشان يقدر يتشري القصر ده. قالت كمان إن القصر الجديد هيحتاج تواجد عدد كبير من الخدم والموظفين وده عشان تكون العيشة فيه سهلة، ورواتب الناس دي مش هتقل عن 6 آلاف يورو في الشهر.
و القصر الجديد بتقدر قيمته بحوالي 12 مليون يورو، وبيقع على مساحة ثلاثة آلاف متر مربع فيه حديقة شاسعة وحمام سباحة داخلي وخارجي وجراج سيارات يكفي حوالي 20 سيارة.
ولو انت مش عارف فالمرتب ده تقدر تشتري بيه عربية أحدث موديل في شهر واحد أو أحد إصدار من هواتف الأيفون مع ساعة أحدث موديل جديدة وأحدث نوع لاب توب جديد، وبعد ده كله هيتبقى معاك فلوس تصرف بيها لآخر الشهر.
قولولنا رأيكم هل صعب نلاقي شيف مصري يقوم بالمهمة دي ويقدر يحصل على الوظيفة؟
