مفيش حد يقدر يشيلك ..كاتب كويتي يكشف عن دعم الخليج لرئيس الزمالك

وسط أزمات عديدة يمر بها نادي الزمالك ورئيسه المستشار مرتضى منصور، خرج كاتب كويتي بتحدث عنه ويقف في صفه في وسط تلك الضغوطات التي تهدد بقائه كرئيسا للزمالك .

ياتري مين الشخص الكويتي اللى طلع اتكلم على المستشار؟ وياتري بيعرض على المستشار إيه ؟ كل ده وأكتر هنعرفه مع بعض في التقرير التالي:

كلنا أكيد عارفين أن نادي الزمالك خلال الفترة الأخيرة بيعاني من ضغوط كبيرة جدا، هزائم في مباريات مهمة وصفقة اللاعبين اللى مش عارفين يسجلوها، وكل ده طبعاً اغضب الجماهير واللى طلع بعض منها يطالب المستشار مرتضى منصور بأنه يمشي ويسيب النادى.

بس اللى متعرفوش جماهير الزمالك المصرية أن المستشار مرتضى منصور عنده محبين كتير في دول الخليج ودول عندهم القدرة انهم يساعدوه ماديا ويقفوا جنبه لحد ما نادى الزمالك يقوم تانى ويرجع لمستواه المتميز.

والكلام ده برهن عليه كاتب كويتي مشهور، وقالها بالفم المليان: “مفيش حد يقدر يشيلك من مكانك يامرتضى”، فا مين بقى الكاتب الكويتى ده؟، وايه علاقته بمرتضى منصور؟.

الصفحات والمواقع الزملكاوية بتقول أن الكاتب ده أسمه خالد الدوسري، كاتب كويتى، وهو واحد من محبى ومشجعى نادى الزمالك في الخليج العربي، وبيعتبر المستشار مرتضى منصور هو أسطورة نادى الزمالك ولولاه مكنش هيبقي فيه نادى الزمالك خالص.

وعشان كده الكاتب الكويتي حب يدعم المستشار مرتضى منصور في أزمته الحالية وهجوم الجماهير الزملكاوية عليه، وكتب على حسابه على تويتر، وقال ” يا مستشار مرتضى اشتغل في النادى واعمل صفقات وضبط اللاعبين، ومتشغلش بالك بالكلام اللى بيتقال، ما فيش حد يقدر يشيلكً من مكانك، وعشان كده اعمل خارطة طريق وابدأ عملية الإصلاح وأكيد كل زملكاوي حقيقي هيكون معاك، أقول هذا من أجل نادينا الكبير”، ومعنى كده ان الكاتب الكويتي ده بيلمح أنه ممكن يكون فيه مساعدات مادية لنادى الزمالك خلال الفترة اللى جايه، وأنهم ها يمدوه بالفلوس الكفايه عشان يقدر يشترى لاعبين جدد ويدفع رواتب الموظفين في النادي.

وما اكتفاش بكده، لا، كمل الكاتب الكويتي كلامه وعبر عن كرهه وحقده للنادى الأهلي، النادي المنافس الأول لنادى الزمالك في البطولات فى مصر.

وسخر من الخسارة الكبيرة اللى تعرض لها النادي الأهلي من فريق فلامنجو البرازيلي، بنتيجة ٤-٢ في المباراة اللى اتلعبت امبارح لتحديد المركزين الثالث والرابع في بطولة كأس العالم للأندية المقامة بالمغرب.

وكتب الدوسري عبر حسابه على موقع التواصل الاجتماعي تويتر، وقال: أول الماتش حد قالى ان الأهلي متقدم ع فلامنجو 2/1 قلت أشوف لعل وعسى، راح فلامنجو مسجل التعادل، وبعدها سجل كمان هدفين، جيت انا ساجد لربنا سبحانه وتعالى، وقلت هذا من فضل ربي”.

لحد هنا ونكون وصلنا لنهاية الفيديو، بس قبل ما ننهى حابين ناخد رأيكم فى حاجه، إيه رأيكم فى اللى عمله الكاتب الكويتي ده؟ وهل ها يدعم نادى الزمالك فعلا ولا كلام وخلاص؟
اكتبوا رأيكم فى التعليقات.