فن و مشاهير

كنزي عمرو دياب تثير الجدل بصورة مستمرة فمن هي وماذا تفعل؟

غنى لها عمرو دياب أغنيتين، واحدة لها هي وأخوها التوأم عبدالله، وهي أغنية «قمرين» والثانيةعنما غنى لها أغنية مخصوص وسماها «يا كنزي»، وقال عنها «كل ما ليا» الجمهور بقول إنها شبه أمها زينة عاشور، والبعض يجدها شبه جينيفر لوبيز كمان، ولكن هي حلوة في كل الأحوال.. هي كنزي عمرو دياب.

هي الأخت التوأم لعبدالله عمرو دياب، والشقيقة الأكبر لجنا، من مامتهم زينة عاشور، مواليد 1999 وعايشة في إنجلترا، مع مامتها واخواتها، ولكن كل واحد ليهم حياة مختلفة عن التاني.

أسرة عمرو دياب عايشة حياة أوروبية، منهم اللي ساب مصر عشان يقدر يعيش بحرية بعيدا عن العيون، ومنهم اللي بيشوف حياته هناك، لكن المختلف إنهم بيعيشوا نمط حياة مختلف عن اللي نعرفه هنا في مصر أو الشرق الأوسط بشكل عام.

يمكن زياراتهم لمصر مش بتكون كتير، وكل فين وفين بيجوا زي السياح، بيرزوا الأماكن الأثرية، والمناطق السياحية، ويتكلوا على الله، وظهورهم مع والدهم عمرو دياب مش كتير، وده غالبا لطبيعة حياتهم اللي بتخلي تجمعاتهم مبتكونش كتير.

لكن أكتر من مرة ظهروا معاه في حفلاته، منها في دبي، لما طلع كنزي وعبدالله، رقصوا مع والدهم على المسرح وهو كان مبسوط بيهم، قبل ما ينزلوا تاني.

كنزي تفاصيل حياتها من حيث الشغل والمهنة، يمكن مش معروفة، بس هي مهتمة بالفن، ومن فترة قريبة أسست مع صديقة ليها زي مدونة سمتها «مذكرات حياة» وقالت إن هدفها الاحتفال بأصوات السيدات العرب من خلال أحلامهم ومشاريعهم الفنية، ونشرها على المنصة بتاعتهم، مستفيدة من عدد متابيعها على إنستجرام الكبير.

وبتتعرض كنزي عمرو دياب لهجوم من الجمهور بين وقت للتاني، وده بسبب الصور اللي بتنشرها على حسابها على إنستجرام، سواء مع جبيبها، أو مع أصدقائها، او ليها بشكل عام، خصوصا إن كتير منها بيتميز بطيعة مختلفة عن المعروفة عندنا، وبالتالي بيبدأ الهجوم عليها وعلى والدها، بسبب الحياة اللي هي بتعيشها.

صور كنزي كتير منها بيكون فيه ملابس فيها بعض العري، أو اوضاع مع أصدقائها بنعتبرها هنا مش مقبولة، إلى جانب طبعا صورها مع حبيبها واللي كشفت عن علاقتهم قبل سنة ونص تقريبا، واللي كان بيظهر معاها في مجموعة من الصور ولكن مكنتش أعلنت عنه شيء.

وكنزي مرتبطة بشاب بريطاني اسمه لوك بيرسون، وهو بيشتغل في مجال عروض الأزياء، وكنزي نشرت في أواخر 2021 صورة ليهم مع بعض وكتبت عليها «ذكرى سنوية سعيدة.. انا أحبك»، وهو نشر صورة ليهم وقال عليها «حبيبي»، لأن تقريبا كنزي علمته يتكلم عربي شوية.

ومن وقت للتاني بتنشر كنزي صور ليها هي وأخواتها وبتعبر عن حبها ليهم.

ومؤخرا نشر حبيب كنزي، صور ليه مع بعض على ما يبدو إنها داخل غرفة نوم، واللي عرضتها لهجوم كبيرمن المتابعين، لأنهم مش معتادين على النوع ده من العلاقات، وفي نفس الوقت لأنهم بيربطوا دايما فكرة إنها مصرية وبنت نجم مصري، وبالتالي كل تصرفاتها مش مقبولة بالنسبالهم.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى