حالة من الهجوم الكبير تعرض لها المطرب رامي صبري، الساعات الماضية، بسبب إحياء حفلاته الأخيرة في ظل الظروف الصعبة التي تمر بها غزة.
من جانبه فاجئ رامي صبري الجميع وقام بالرد على ذلك الهجوم، خلال بث مباشر له عبر حسابه الشخصي على موقع تبادل الصور والفيديوهات إنستجرام.
هجوم كبير على رامي صبري بسبب فيديو.. لن تصدق ما قاله
وقال رامي : “الكومنتات اللي بتقول أنت بتغني إزاي وفلسطين بتتضرب، يعني إحنا مش هنفضل قاعدين بناكل وبنشرب وبننام، فهي بس الناس اللي بتكتب الكومنتات دي مش فاهم بتكتبها على أساس إيه؟، ده شغلنا ودي عقود كاتبنها، ومنقدرش إننا منشتغلهاش.”
وتابع: ” فلسطين على فكرة بتتضرب من قبل ما إحنا نيجي الدنيا، وإحنا هنعمل إيه، بنعمل اللي علينا وممكن مثلا نغني لفلسطين وندفع فلوس وكل حاجة عشان نتضامن، لكن نوقف شغلنا؟.”
وأكمل: ” أنت لما بتوقف شغلك مش بتتفرج على الماتشات اللي شغالة مثلا؟ مش بتروح الاستاد وتدفع فلوس عشان تروح تتفرج على فريقك وهو بيلعب؟ مش بتصحى تاكل في بيتك؟ لا بتخرج وبتعيش حياتك، طب بتخرج ليه مدام فلسطين بتتضرب وبتموت، نموت إحنا كمان طيب؟. ”
واختتم: “الناس اللي بتقول بتشتغل ليه يا فنان وفلسطين بتموت، ما فلسطين طول عمرها بتموت، مش فلسطين بس لا كل البلاد زي البوسنة، فنموت إحنا كمان عشان نبقى كويسين من وجهة نظركوا؟ مش هو ده التضامن، ما أنا ممكن أعمل حفلة وأتبرع بيها لفلسطين.”
فيما تعرض رامي صبري لهجوم جديد من الجمهور وقام بحذف الفيديو من على حسابه الشخصي.
اقرأ ايضا:
