“معاه 42 مليار ريال وبقى أغنى راجل في السعودية” هذه هي المعجزة التي فعلها واحد من الأطباء، وأصبح من أشهر وأغنى الدكاترة في العالم، لكن من هو كيف جمع ثروته؟ تابعونا لمعرفة التفاصيل:
دايما الفكرة اللي بتوصلنا عن رجال أعمال أنهم يا إما خريجين تجارة يا خريجين اقتصاد، وده لأن طبيعة شغلهم بتعتمد بشكل كبير على الأرقام والحسابات، بس عمرك تتخيل في يوم من الأيام أن دكتور يبقى أغنب رجل في السعودية ومن كبار رجال الأعمال في العالم؟
ده اللي حصل لأن فعلا في دكتور بقى دلوقتي من أغنى أغنياء العالم وده بعد ما وصلت ثروته دلوقتي للمليارات ، أيوة زي ما سمعت كده.
بس هو مين الشخص ده؟ وازاي قدر أنه يجمع كل الثروة دي؟
بص يا سيدي، حسب موقع أربيان بيزنس، الشخص ده أسمه الدكتور سليمان حبيب وده دكتور في السعودية، حجم ثروته دلوقتي وصل لـ 42 مليار ريال سعودي، يعني بالمصري حوالي ثروته تخطت 350 مليار جنيه.
وده بعد ما سجل السهم بتاعه في البورصة 306 ريال وقيمته السوقية وصلت لـ 107 مليار ريال،بداية حبيب كانت بعد ما شغل منصب كبير الأطباء وبقى رئيس أطباء في أكتر من مستشفى وساعتها فكر أنه يأسس شركته لتقديم الخدمات الصحية سنة 1993
وفي سنة 2020 حبيب دخل قايمة المليارديرات وبقى من أغنى الأطباء في العالم.ده حتى وكالة بلومبرغ كشفت عن دخول حبيب قايمة الاثرياء وأصحاب المليارديرات بعد ما طرح أكتر من 17 مليون سهم من حصته في الشركات اللي باسمه للبيع بسعر 50 ريال للسهم
وبالمناسبة شركة سليمان حبيب تعتبر من أكبر الشركات اللي بتقدم الخدمات الصحية في السعودية والمنطقة عموما
وحسب اربيان بيزنس،في عدد صغير جدا من الأطباء في العالم بيتصنفوا على أساس أنهم أغنى الناس في العالم، ويعتبر توماس فريست المؤسس لشركة “إتش سي إيه هيلث كير” هو أغناهم وده لأن ثروته وصلت لأكتر من 13 مليار دولار
بس هما مين أغنى أغنياء العالم وثرواتهم وصلت لكام؟
أنا أقولك، حسب مؤشر بلومبرغ للمليارديرات عن أغنى أثرياء في العالم يجي برنارد أرنو الفرنسي على راس القايمة دي بثروة قيمتها 192 مليار دولار، بعده يجي أيلون ماسك الأمريكي وده بقى حجم ثروته وصل لـ 187 مليار دولار
ويجي في المرتبة التالتة جيف بيزوس بثروة بلغت 121 مليار دولار، أما في المرتبة الرابعة فيجي بيل غيتس اللي ثروته 117 مليار دولار، وبعدهم وارن بافيت بثروة 107 مليار دولار
أما بقى المركز السادس فكان من نصيب لاري إليسون بثروة بلغت 102 مليار دولار، بعدهم يجي ستيف بالمر بصافي ثروة 92 مليار دولار بس، وفي المركز السابع لاري بايج بثروة وصلت لأكتر من 88 مليار دولار، أما المركز التاسع فهو من نصيب كارلوس سليم بثروة 84.9 مليار دولار
والمركز الأخر بقى فهو كان لـ سيرغي برين بفرق بسيط جدا عن كارلوس وده لأن ثروته وصلت لـ 84.8 مليار دولار
ودلوقتي قولنا ثروتك وصلت لكام؟
