كشفت سامية كامل والدة الطفلة أيسل عمرو، البالغة من العمر 7 سنوات، تفاصيل جديدة حول الواقعة المأساوية التي تعرضت لها ابنتها داخل أحد حمامات السباحة في قرية سياحية بالعين السخنة.
الطفلة أيسل ضحية التحرش
وقالت والدة الطفلة أيسل: الواقعة حصلت في شهر أغسطس 2023، ورجعت أتكلم فيها تاني بسبب حادثة تلاميذ المدرسة الدولية اللي تم الاعتداء عليهم، القصة بدأت لما كنا رايحين المصيف في شاليه بتاع واحدة صاحبتي في العين السخنة.
وأضافت: أيسل بنتي نزلت قدامي كانت بتلعب في حمام السباحة، وأختها قالتلي أنا عاوزة أغسل إيدي، وكان فيه ولد واقف مراقب أيسل بنتي، وهي كانت لابسة مايوه بكم، بس اللي لفت نظره فيها إن شعرها كيرلي طويل وكانت بنوتة جميلة.
وتابعت والدة الطفلة أيسل: أيسل نطت قدامي في المياه وخدت أختها عشان أغسل إيديها ومافيش ثواني ولقيت أيسل طالعة ميتة من حمام السباحة ميتة تمامًا مافيهاش نفس، لما نطت الولد شدها تحت وكتم نفسها.
وواصلت: أيسل كانت متعورة في مفصل الركبة واكتشفنا ده لما كنا بنغسلها والمغسلة استغربت، ووكيل النيابة طلب من الطبيب الشرعي وقتها يكشف عليها تاني، ولاحظنا إن فيه كدمات زرقا عند شفايفها.
وأردفت والدة الطفلة أيسل: اكتشفنا إنه تم الاعتداء جنسيًا على بنتي، والمتهم كتم نفسها تحت المياه وجالها سكتة قلبية.
