لو معك 20 ألف جنيه أو أكتر تتستطيع أن تستثمرها بعائد أعلى من كل الشهادات البنكية المطروحة الآن، ليس هذا فقط بل أنك تستطيع أن تحصل على الأرباح بعد مرور 24 ساعة فقط من وقت الشراء، بالطبع أنك تحمست لمعرفة الطريقة.
أيوه الدولة دلوقتى بتقدملك طرق استثمار كتيرة منها الاستثمار في أذون الخزانة المصري بعوائد أعلى من 18%، طب إزاي تقدر تعمل ده ؟ وهل فعلا العائد مضمون؟، تعالوا أقولكم على الإجابة في التقرير التالي:
ناس كتير بتخاف تستثمر فلوسها في شهادات بنكية خاصة وإنك عشان تحصل عائد مربح لازم تستنى من حوالي 6 شهور لـ سنة من وقت فتحها، وعشان كده لازم تفكر برة الصندوق وتستثمر فلوسك في أذون الخزانة واللي بيتم طرحها من قبل بنوك الدولة الحكومية زي البنك الأهلي وبنك مصر.
في الأول لازم تعرف يعني إيه أذون خزانة وهي عبارة عن أدوات دين قصيرة الأجل بيطرحها البنك المركزي وبتقدر تساعد الدولة الإنفاق على بنود الموازنة العامة، وكان معروف عنها إنها الاستثمار المفضل للأجانب.
دي كمان من مميزاتها إنها بتكون محمية من تقلبات سعر الصرف والتضخم، وبتضمن عائد حوالي 20 ألف جنيه خلال 24 ساعة بس من الشراء.
موعد التقديم
في الغالب الأذون دي بتطرح كل أسبوع وتقدر تستنى أخبارها في أيام الأحد والخميس، وبتكون على هيئة مزاد والمميز فيها إن الفائد بتكون أعلى بكتير من الشهادات البنكية والودائع يعني انت كسبان كسبان .
وبتكون الأذون دي أنواع كتير في منها لمد 3 شهور و6 شهور، و9 شهور وفي سنة كاملة، معنى كده إنك تقدر تشتري أي واحدة في دول وتاخد العائد مقدما في تاني يوم من الشراء، ودي ميزة مش بتوفرها ليك الشهادات البنكية والودائع، واللي بتكون طويلة الأجل في حدود الـ 3 سنوات فأكثر.
كيف تكون هذه الشهادات محمية من التضخم؟
هقولك يا سيدي، في ميزة مهمة أوي بتوفرها أذون الخزانة، وهي سرعة استرداد أصل المبلغ الأصلي ودي بتحمي فلوسك من ارتفاع معدلات التضخم إلى مستوى أعلى من عائد الأذون.
فمثلا في المزاد الأخير، اتسعر عائد أذون الخزانة المصرية عند 18.87%، والعائد هنا يعتبر أكبر من أي عائد تاني بتقدمه البنوك على الشهادات والودائع، وده لأن أعلى عائد حالياً على الشهادات البنكية لأجل 3 سنوات هو 17.25% فقط.
كيف أكسب 20 ألف جنيه؟
هقولك، لو افترضنا انك هتحط مبلغ 100 ألف جنيه في البنك الأهلي المصري، وقتها تقدر تشتري 4 أذون خزانة “لأجل عام” ، وفي اليوم التاني للشراء هتقدر تحصل على 18.870 جنيه..
مش بس كدا إنت ممكن كمان بالعائد ده تفتح استمارة للحصول على إذن خزانة تاني بقيمة 25 ألف جنيه واللي هيخليك تحصل على 1075 جنيه بعد يوم واحد بس تقدر وقتها تشتري بيه جنيه دهب أو سبيكة صغيرة.
قولنا دلوقتي في رأيك أذون الخزانة استثمار أفضل من شهادات الإدخار؟
