حل المطرب لؤي، مساء أمس ضيف برنامج “كلام الناس” الذي تقدمه الإعلامية ياسمين عز عبر شاشة قناة أم بي سي مصر، وكشف خلاله سبب ابتعاده عن الساحة الفنية السنوات الماضية.
وقال لؤي، خلال اللقاء: “أنا لم أبتعد عن الوسط الفني، ولكن مع الأسف الناس بيحبوا تتبع المشاكل وعورات الغير، وبدل ما يبص للفن اللي بنقدمه بيبص للفضايح ومين أتجوز ومين أتطلق، وكمان من 2008 صناعة الموسيقى ضايعة خالص بسبب الإنتاج”.
وتابع: “فيه أزمة في حقوق الملكية الفكرية، وبقينا كـ مطربين ننتج الأغاني لنفسنا وطبعا دي مسؤولية كبيرة خاصًة أننا عندنا بيوت وناس ورانا، وبقول للجمهور أنتوا متعرفوش الفنان دا بيصرف إزاي والتزاماته إيه، ومن بداياتي خالص كنت متعود يكون معايا شركات إنتاج، إنما دلوقتي مفيش إنتاج ودا بقى على عاتقي، والأغنية عمرها ما بتجيب عائد الإنتاج، وصناعة الموسيقى كمان مش بتجيب فلوس، ونشوف كام مطرب وملحن وموزع بعدوا عن الوسط بسبب الظروف دي، ومع ذلك أحنا بنحاول نكمل؛ لأننا بنحب الفن”.
