حقق الفنان أكرم حسني ، أمنية طفلة من ذوي الاحتياجات الخاصة تدعى «زينة»، بعد أن نشرت أسرتها رغبتها في زيارته ولقائه، على مواقع التواصل الاجتماعي.
ولبّى أكرم النداء، وتواصل مع والدها حتى التقى بها في كواليس تصوير مسلسله الجديد «الوصية»، المقرر عرضه في موسم رمضان القادم.
ونشر أكرم حسني، صور وفيديوهات من لقائه بزينة، عبر حسابه الشخصي بموقع فيسبوك، ورافقها برسالة مطولة لها، قال فيها: «امبارح و انا بصور لاقيت ناس كتير من قرايبي و اصحابي باعتينلي بوست بيطلب من الناس اللي يعرفوني يبلغوني ان في بنت بتحبني و نفسها تشوفني و لاني عارف اننا مشغولين في التصوير لحد نهاية رمضان و مش هافضي قبل كده ف تواصلت مع بابا و طلبت منهم يجولي التصوير النهاردة».
وأضاف: «لحد هنا و الموضوع عادي .. لكن اللي مش عادي بقي لما زينة جت النهاردة و قابلتها .. و الله العظيم انا ما شفتش في حياتي بنت بالجمال ده و لا خفة الدم دي و لا اللماضة دي و لا الحنية دي و لا القدرة علي التعبير عن احساسها بالجمال ده لدرجة اني حسيت اني انا اللي كنت محتاج اشوفها مش هي».
وتابع أكرم، قائلاً: «إحساس عظيم انك تأثر في حد و انك تحس ان ربنا جعلك اداة تسعد الناس و انت كمان تبقي سعيد لما حد منهم يظهرلك حبه».
واختتم قائلاً: «ربنا يحميكي يا زينة يا حبيبتي و يبارك لك في اهلك المحترمين الطيبين الجدعان اللي اتشرفت اني قابلتهم و اتعرفت عليهم .. انا في منتهي السعادة».
ويشارك أكرم حسني، بطولة «الوصية» كل من: أحمد أمين، وريم مصطفى وسارة سلامة، وهو من تأليف مصطفى حلمي وأيمن وتار، ومن إخراج خالد الحلفاوي.
شاهد أيضًا:
«ديلي ميل» تنشر أخر صور الدي جي السويدي أفيتشي قبل وفاته
شاهد| أول تعليق من حليمة بولند عن سحب تراخيص المركز الرياضي النسائي
