تداول منشور من والد الشهيد باسم شبل شهيد القوات الجوية برأس البر؛ أثار ضجة بالسوشيال ميديا.
حيث كتب: دلوقتي بس اقدر اقولك هتوحشني اوووي مكنتش مصدق بس خلاص سلمت انك خت اللي تستحقه والله يابن قلبي انت اطهر قلب في الدنيا متتعزش علي اللي خلقك بس فراقك جحيم
وأضاف: عارف يا باسم وانت بتقول معاك يا فندم دي كانت كلمه بس جواها حكايات تتحكي.
وتابع: معاك يا فندم وابويا هيتعب .. معاك يافندم وامي هيتحرق قلبها.. معاك يا فندم واخويا اتكسر ظهره.. معاك يا فندم وانت بتخسر حياتك.
وأردف: بس معاك يا فندم وانت واخد قرار البطل قرار بنهاية حياتك في الدنيا .. بس بدايه حياه اجمل يا احلا عريس في الجنه يا ابني واخويا
واختتم: استودعك الله يا اغلي ما جه الدنيا مع السلامه يا حته مني
