كواليس حفل جوي أواردز أكبر تجمع للفنانين بالسعودية، التي شهدت العديد من الأحداث والمواقف بين الفنانين ومنها حكاية زوجة كريم عبدالعزيز اللي أثارت الجدلتابعونا من خلال التقرير التالي لمعرفة التفاصيل:
كلنا تابعنا الساعات اللى فاتت حفل توزيع جوائز جوى أواردز اللى إتعمل فى السعودية وتحديدا فى الرياض،وزى أى حفل جوائز كل فنان له معجبينه وجمهوره اللى مستنى إطلالته ،وكلمته لما يطلع يتكرم ده غير تصريحاته الصحفية،ومن الفنانيين اللى أثاروا الجدل ،واللى دايما متصدرين التريند،كانت ياسمين صبرى وتصدرها التريند المرة دى كان غريب ومين الشاب هى اللى مصحباه ده؟
ده غير كريم عبد العزيز وزوجته اللى بظهورها معاه قلبت السوشيال ميديا مش هتصدق إثارت الجدل إزاى رغم قلة ظهورها الإعلامى، ما تيجوا نشوف إيه كواليس الحفل وحصل إيه؟
من الفنانيين اللى لهم جماهير كبيرة جدا ،ومن بداياته كان كريم عبد العزيز،وكان فتى أحلام كتير من البنات ومازال بردوا،مفيش خبر ينتشر عنه إلا ولازم يتصدر التريند علاقاته بزمايله فى الوسط الفنى كويسة جدا لا عمرنا سمعنا عن خلافات بينه وبين فنان تانى كالعادة كل الفنانين يعنى،لما يتصدر التريند بيكون بفيلم ، بمسلسل بظهور فى مهرجان،أو فى حفل زى حفل جوى أواردز كده..
الحقيقة كريم مكانش لوحده كانت معاه زوجته ولفتت الأنظار لها أوى الساعات الل فاتت لإنها مقلة جدا فى الظهور ومفيش كتير يعرفها،كمان علشان إطلالتها اللى هو بقى لما نشوف مرات كريم لابسة إيه بقى؟
فى اللى شاف إطلالتها لالا مش حلوة خالص إيه الى هى لابساه ده،ده أحسن ترزى يعمل فستانها ده وأخره 500 جنيه،وتلاقيها مكلفة وصارفة قد كده،وبعدين إيه اللون اللى هى لابساه ده غريبة اوى هايدى دى لا وقطيفة كمان فين الإبتكار فى الفستان،هى مش عارفة إنها رايحة السعودية فى حفلة من أكبر الحفلات العالمية؟ لالا ولا شعرها ليه عملاه ويفى كده؟
الغريب اللى قاعدة تنتقد إطلالة هايدى بالطريقة دى قاعدة متلكفته بالبطانية ،وحالها لا يسر عدو ولا حبيب بس تقول إيه بقى .وفى اللى شايف إن إطلالتها جريئة شوية،رغم إننا لو قرناه بأى فستان تانى لأى فنانة هنلاقيه محتشم جدا ،يعنى مش جرئ بالدرجة اللى الكل بيتكلم عنها على السوشيال ميديا.
ولفت نظرهم بردوا الجزمة بكعب عالى ،تمام دى ،لكن ليه لونها أحمر؟الفستان نبيتى ليه الجزمة تكون حمرا؟ ليه مش نبيتى أو سودة يا هايدى؟إيه المغزى من الأحمر مع النيبتى؟
فى الأول ولاأخر يا جماعة دى أزواق،وأهم حاجة هى مرتاحة ومبسوطة بإطلالتها،تعجبك بقى أو لا هى شايفة إن رأيك خليه لنفسك يا ستى .
كريم ظهر هو ومراته مع مين ؟ أكيد طبعا بوسى شلبى لما نشرت الصورة دى فى حسابها الشخصى وكتبت الغاليين و اللى إطلالتها كانت بالأزرق ولكن ده مش موضوعنا.
هايدى سرور هى الزوجة التانية لكريم وإتجوزوا فى 2005 بعد زواجه من صحفية لمدة سنة بس فى 2002،هايدى بتكون بنت النائب السابق فى مجلس الشعب هانى سرور
وكمان عندها بيزنس خاص بها وهو تصميم بيجامات للأطفال ،وده عرفناه لما ظهرت فى برنامج هى وبس مع رضوى الشربينى .
طبعا كريم عبد العزيز كان بيتنافس مع أحمد عز على جائزة أفضل ممثل فى الحفل عن دورهم فى فيلم كيرة والجن ،ولكن لما عز طلع يستلم الجايزة قال الجايزة اللى إستلمتها مش جايزتى لوحدى دى جايزة كل الناس اللى أنا أشتغلت معاهم دى جايزة مروان حامد وكريم عبد العزيز اخويا وصاحبى ويستاهلها أكتر منى.
فكريم قال أنا وأحمد عز مفيش بينا أي منافسة، بالعكس ربنا كرمنا بـ كيميا كبيرة بينا وبنجاح ملوش مثيل ونفسي نرجع نقدم أعمال تانية كتير زي كيرة والجن.
عز قال لا كفاية كده إحنا نقدم عمل كوميدي،أنا وكريم نفسنا نعمل كوميدي لأننا اتبهدلنا في كيرة والجن، وفيلم كيرة والجن مش بيمثل كريم وعز فقط دا فريق كامل.
نيجى بقى لصاحب ياسمين صبرى اللى بسببه،ياسمين عملت قلبان على السوشيال ميديا،يعنى مش إطلالتها السبب؟ تؤ تؤ ولا مواجهتها مع جورجينا ؟ بردوا لا هى إتصدرت شوية بسبب الموضوع ده
بس الأكتر بسبب خبير التجميل شريف طانيوس اللى قبل الحفل بساعات، نشرت ياسمين ، مجموعة جديدة من الصور ليها على حسابها على إنستجرام، وظهرت خلال الصور دي داخل طيارتها الخاصة وكان معها شريف طانيوس ، بعد كده جورجينا عملت متابعة لحسابه على إنستجرام .
واللى إستفز الجمهور أكتر هو إنه شريف كان ماسك فى إيده شنطة نسائية لونها أخضر،وفول ميكاب وعلى سنجة عشرة ،وقالوا بينافس ياسمين صبرى أكيد..
الأغرب بقى اللى ميعديش على الجمهور كده،هو ظهور ياسمين بخاتم زواجها من أبو هشيمة ولابساه كمان فى إيديها الشمال ،قالك بس تبقى المية رجعت لمجاريها
لكن ياسمين نفت ده وقالت عندى خواتم كتير ومعرفش ليه الصورة إنتشرت بالطريقة دى ده مش خاتم زواجي،وزي أعلنت قبل كده زواجى وإنفصالى لو تم زواجي من جديد بالتأكيد هعلن مش هتجوز فى السر..
ياترى إنتوا شايفين إطلالة زوجة كريم عبد العزيز محتشمة ولا جريئة؟وهل تعتقدوا إن ياسمين رجعت لأبو هشيمة ولا صورها الأخيرة أثارة للجدل والتريند مش أكتر؟
