حالة من الجدل الواسع، أثارتها الفنانة عفاف مصطفى، الساعات الماضية، بعد منشور لها حول رفض المخرج رامي إمام، زيارتها للزعيم عادل إمام.
وكتبت الفنانة عفاف مصطفى، خلال منشور لها عبر حسابها الشخصي بموقع التواصل الاجتماعي فيسبوك، قائلة: “زعلانة من رامي إمام بعتاله الرسالة الأخيرة دي على الوتساب ضمن العشرات قبل كده”.
عفاف مصطفى تصدم الجميع بشأن عادل إمام
وأضافت: “الرسالة 15 ليك أستاذ رامي.. أتمنى يقرأها أستاذي عادل، نفسي ورجائي أشوف الأستاذ عادل وجهًا لوجه، لأني عارفة إني الوحيدة اللي بضحكه زي مقاللي قبل كده، حضرتك يا أستاذ رامي الوحيد اللي تقدر تحسم مطلبي المتكرر مرارًا وتكرارًا”.
وتابعت: “سؤال أستاذ رامي هو أنا خطر على بابا ولا حاجة؟؟.. أنا لو عملت كوبي لكل رسايلي اللي بترجاك فيها أزوره ونزلتها في صفحتي حضرتك هتحقق لي طلبي لما تلاقي الناس متضامنة مع رجائي.. الرجاء المتكرر ممكن تسمحلي وأنت من بيت كريم بزيارته وتبلغه قبلها ولو عندكم تحفظات أو ظروفه لا تسمح أنا مش هزعل بس للعلم دائمًا أسمع بزملاء بيقولوا زُرنا عادل إمام في البيت”.
واستكملت: “لعلمك عندي العنوان من زمان، وأستطيع أعمل هجوم المشروع عليه، لكن أنا أكبر من كده ولا أضمن رد فعلكم في زيارة بدون موعد مسبق ومنعًا للحرج، والناس بتزوره اشمعنى أنا يعني والله نفسي أشوفه وأكلمه وأطمن عليه”.
وكانت قالت الفنانة مادلين طبر، في تصريحات صحفية، أنها كانت تتمني أن يحضر عادل امام تكريمه بالمهرجان القومي للمسرح المصري، وعلي اسرته ان تعيد التفكير في هذا الامر، فليس شرط ان يتحدث ولكن يكفي حضوره.
وتابعت: ” أتمنى عائلة الزعيم تفرج عنه، وحتى موبايله مش بيرد عليه، نطمن عليه إزاي؟ لازم نقتحم بيته.”
من جانبه، رد المنتج عصام إمام، شقيق الزعيم، على تصريحات منع أسرة الزعيم من الظهور، قائلًا: “أنا مش برد على الشائعات؛ لأن هيقولوا إيه على عادل إمام أكتر من كدا؟ دول موتوه 7 أو 8 مرات”.
وتابع: “طبعا مفيش الكلام دا ولا حد أجبره يبتعد وهو كويس وصحته بخير وبيتابع الأحداث الجارية عادي”.
