مع بداية عام 2023 أصبح الكل يعلم أن استثمار الأموال هو الطريق الأفضل بدلا من حفظها دون استثمار، وخاصة بعد ارتفاع الاسعار وزيادة التضخم فتجد أن قيمة الأموال تنخفض ، لذلك فإن الاستثمار هو السبيل الوحيد من أجل الحفاظ على أموالك دون خسارة.
والمصريين دلوقتي محتارين و بيسألوا ياترى نستثمر في الدهب، ولا العملات ولا شهادات الاستثمار؟ ، وده لأن الفترة دي الارتفاع الجنوني للدولار خلى الناس تفكر إزاي تزود دخلها بأي شكل ، ولكن إحنا النهاردة هنقولك طريقة جديدة تستثمر بيها فلوسك في البنك وتقدر تضمن إن فلوسك تزيد ومتقلش مع مرور الوقت.
تخيل معايا إنك تقدر تكسب 8 الاف جنيه في أقل من اسبوعين وتستثمر فلوسك في بنك مصر، طب إزاي تقدر تعمل ده؟
هقولك يا سيدي، كلمة السهر في وديعة الادخار الشهرية اللي بيقدمهالك بنك مصر ، مش بس كدة دي المفاجأة بقى إن بنك مصر رفع أسعار الفايدة الجديدة على ودائع العملا من بداية شهر يناير2023، وطبعًا القرار ده جه بعد أيام قليلة من قرار لجنة السياسة النقدية بالبنك المركزي، بزيادة سعر الإيداع والإقراض لـ16.25% و17.25% بنسبة 3%.
وطبعًا النسبة دي مش قليلة خالص، وهتضمن ليك استثمار فلوسك بشكل آمن، طيب تعالوا نحسبها مع بعض لو حطيتوا وديعة بقيمة 200 الف جنيه هتكسبوا كام؟
هقولكم لو حسابنا المبلغ ده بناء على أسعار الفائدة الجديد اللي أعلنها بنك مصر فصاحب الودية دي هيقدر ياخد فايدة عليهم بحوالي 3.8% لو ساب المبلغ ده من 7 أيام لـ أقل من 15 يوم بس يعني حوالي 8000 الآف جنيه انتوا متخيلين.
ده كمان لو فكر يسيب الفلوس دي كوديعة لمدة أطول هياخد عائد أكتر بكتير وطبعًا العائد ده بيزيد كل ما تسيب فلوسك أكتر ومع الوديعة الشهرية هتقدر تسيب الفلوس وتاخد فوايد عليهم من أسبوعين و لحد 7 سنين وطبعا كل وقت وليه فايدة مختلفة وتقدر تعرفها لما تروح أي فرع للبنك.
طيب هل ممكن استرد فلوسي قبل ما السنين دي تخلص؟ أكيد تقدر تعمل ده في أي وقت، بس لو اخدت قرار كسر الشهادة تقدر تتوجه لـ أقرب فرع للبنك ودي هتكون أول خطوات كسر شهادات الإدخار القديمة.
بعدها هتروح للموظف المسؤول واللي هيوضحلك حجم خسائر كسر وديعة الإدخار القديمة بالبنك قبل معاد الاستحقاق.
وطبعا في حالة الموافقة على القيمة المالية اللي هتخسرها نتيجة كسر الوديعة الإدخارية القديمة بالبنك، هتقدم طلب رسمي بـ كسر الوديعة.
ولو انت مش عارف فـ البنك الأهلي ومصر فاجئوا كل المصرين وطرحوا شهادة ادخار جديدة مرتفعة العائد لمدة سنة بفايدة مرتفعة 22.5% تقدر تصرفها شهريًا، أو25% وتقدر تصرفها بعائد سنوي مع نهاية مدة استحقاق الشهادة.
قولنا دلوقتي لو معاك فلوس تفضل تحطها في وديعة ولا تشلها تحت البلاطة؟
