تسافر لكي تعمل وتحقق حلمك فى تكوين ثروة كبيرة،بأى طريقة تحاول مهما كان الثمن ؟ لكن إذا أخطأت سيكون الثمن كبير، وليس منعك من السفر فقط، فقد يصل الامر إلى السجن.حكاية اليوم عن بنت مصرية قررت أن تقلد الأفلام عند عودتها من الإمارات ، وحاولت أن تهرب كمية كبيرة من السبائك الذهب، ولكن بخدعة كبيرة، وما حدث بالمطار كان مفاجأة كبيرة لها، تابعنا من خلال التقرير التالي لتعرف التفاصيل:
الحكاية بدأت لما الطيارة وصلت مصر ،وبدأت الإجراءات الجمركية العادية على ركاب رحلة الخطوط المصرية اللى جاية من دبى ،ومأمور الجمرك وقف واحدة من الراكبات وهى بتحاول تخرج من بوابة اللجنة الجمركية ،واللى أنكرت إن معاها حاجة المفروض تقول عليها وتدفع عليها الضرائب والرسوم الجمركية .
طريقتها وأسلوبها وشكلها مريحش المامور وحس إنها عاملة عاملة أو وراها حاجة ولما الشكوك زاد ناحيتها حب يتأكد من شكوكه ده ،وحاول أنه يفتش الشنط بتاعتها وكمان دخلها على جهاز الفحص بالأشعة بواسطة كل من عماد حمدى ومحمد صلاح كامل مأمورا الجمرك واللى لاحظوا حاجات غريبة بتلمع وسط الهدوم ومخبياهم بطريقة غريبة وفكرة متخطرش على البال خالص وفعلا لاقوا وجود كثافات معدنية وسط الملابس جوة الشنط بتاعتها.
فورا قام حازم محمد على مدير الحركة المشرف على صالة الوصول بمبنى الركاب رقم 3 بتكليف من كريم محمد يوسف بتفتيش شنط الراكبة بنفسه وبإيده،وحصلت الصدمة للبنت دى لما إكتشف إنها بتهرب سبايك دهب ومخبياهم بطريقة غريبة وسط هدومها بحيث متبقاش باينة خالص لكن على مين طلعهم من شنطتها من وسط هدومها .
مكنش واضح أوى كل الكمية اللى معاها ومع إستمرار عملية التفتيش اليدوى لما قام تامر قاسم مدير الإدارة بالإنابة بتكليف كريم يوسف وهانى محمود مأمورا الجمرك بإستكمال التفتيش اليدوى فى جوانب الشنطة وكل الجيوب،لاقوا إن البنت دى معاها كمية كبيرة و بحوزتها 3 سبايك دهب بوزن 100 جرام للواحدة ،وسبيكتين بوزن كيلو للواحدة يعنى الإجمالى كله 2 كيلو و300 جرام من الدهب.
طبعا كلنا عايشين ارتفاع أسعار الدهب المفاجئ فى مصر،مقارنة بسعره فى دول الخليج الأسعار هناك أرخص طبعا،فهى فكرت إزاى تستثمر فى الموضوع ده تجيب بالرخيض وتبيع بالغالى.
لكن للأسف هى جايت بالرخيص بس ملحقتش تبيع بالغالى ..
ممكن تكون البنت المصرية دى مش أول مرة لها ،ولكن بالصدفة أتقبض عليها ماهو مش كل مرة هتسلم الجارة،أو ممكن تكون أول مرة لها وفكرت تكون ثروة كبيرة من فكرتها دى بس للأسف هتكون أول وأخر مرة بعد القبض عليها ولسه التحقيقات شغالة علشان يعرفوا باقى التفاصيل دى.
