على طريقة فيلم لصوص لكن ظرفاء، حاول عدد من الحرامية سرقة محل مجوهرات في منطقة المنصورة بنفس طريقة الفيلم بالضبط، فقاموا بعمل فتحة في سقف المحل لكي ينزلوا منها السلم المعلق من الداخل، ما حدث يشبه أحداث الفيلم بحذافيره، فماذا حدث للصوص ؟ هذا ما سنعرفه من خلال التقرير التالي:
رغم مرور 54 سنة على عرض الفيلم الكوميدي لصوص لكن ظرفاء إللي أتعرض عام 1968 بطولة أحمد مظهر وعادل إمام ومديحة سالم ويوسف فخر الدين وماري منيب، وكان أحداث الفيلم بيدور حول إن في اثنين حرامية واحد اسمه حامد إللي كان بيقوم بدوره الفنان أحمد مظهر والتاني إسماعيل وإللي كان بيقوم بالدور هو عادل إمام الاثنين دول كانوا عوزين يسرقوا محل مجوهرات في الدور الأرضي من العمارة.
فـ علشان صعب إنهم يسرقوا المحل من برا علشان هيتقبض عليهم فمنكش في أي حل غير إنهم يسرقوا المحل من جوا عن طريق الحفر في أرضية الشقة إللي فوق المحل على طول.
بس المشكلة إللي قابلتهم إن الشقة دي كانت في زوجين عيشين حياة كان فيها مشاكل كتيره أوي فحاولوا يبعدوهم عن البيت بأي شكل ونجحوا في ده فعلا بس المشكلة إللي قبلتهم تاني إن في جاره ست عجوزة اسمها شوشو ودا إللي قامت بدورها الفنانة ماري منيب.
بس في الأخر نجحوا في عمل فتحه في أرضية الشقة إللي موصله على محل المجوهرات على طول بس بعد ما وصلوا لحزنة المجوهرات وسرقوا فعلا المحل وهما طالعين من المحل على الشقة لقوا الشرطة في الشقة بعد ما بلغت عليهم الست العجوزة شوشو إللي كانت شكه فيهم من أول لحظة واتقبض عليهم على طول.
بنفس طريقة الفيلم إللي إحنا فكرنا حضراتكم بيها، عملوها الحرامية بالحرف في مدينة المنصورة وهما بيحاولوا سرقة محل ذهب في شارع السكة القديمة بمدينة المنصورة إللي تبع محافظة الدقهلية على طريقة النزول من سقف المحل على طريق الفيلم الكوميدي لصوص لكن ظرفاء.
الحرامية فعلاً حفر حفرة في سقف المحل والسقف المعلق من الداخل علشان يسرقوا محل المصوغات الذهبية في شارع السكة القديمة إللي يعرف في المنصورة بشارع الصاغة علشان كانوا فاكرين إنهم مش هيتقبض عليهم ولا حد هيوصله.
بس إللي حصل إن صاحب المحل بلغ مديرية أمن الدقهلية بإن في حرامية حاولوا سرقة محله عن طريق عمل فتحة في سقف المحل والسقف المعلق من الداخل، وإن الجيران نجحت في إفشال مخطط الحرامي بعد شعورهم بالتكسير في سقف المحل، وفعلاً مديرية الأمن أخدت كل الإجراءات القانونية وأخطرت النيابة العامة علشان تحقق في الواقعة وتفرغ الكاميرات علشان يعرفوا كل تفاصيل الواقعة، وخلال الفترة إللي جاية هنعرف كل جديد بخصوص القضية دي تابعونا لحظة بلحظة.
