على مدار سنين طويلة لم يكن هناك خلاف أشهر في الوسط الرياضي إلا الخلاف بين مرتضى منصور رئيس نادي الزمالك وبين الإعلامي أحمد شوبير.
الخلاف الذي زاد بطريقة كبيرة الفترة الماضية وسط اتهامات كتيرة من مرتضى لسويسرا بالرشوة والسمسرة وخلافات كتيرة.. حتى كانت المواجهة بينهم وجها لوجه، لكن مذا حدث في المواجهة؟ وماذا فعل مرتضى منصور ولماذا هرب شوبير؟مفاجآت كتيرة نكشفها في التقرير التالي
في الوقت اللي مرتضى منصور بيطلع كل شوية يبهدل أحمد شوبير في الإعلام واللي حصلت بينهم خناقات كتيرة بينهم في كل مواجهة يتواجهوا بيها.
لدرجة أن كل الناس بقت تسأل يا ترى لو حصلت مواجهة بينهم إيه اللي ممكن يحصل؟
لكن المواجهة دي حصلت بالفعل وكان مرتضى منصور وأحمد شوبير وجها لوجه قدام بعض لأول مرة بعد الاتهامات الكتيرة والخناقات اللي مش بتخلص بينهم.
المواجهة دي كانت في عزاء والدة الصحفي محمود المملوك واللي معروف أنه من المقربين من المستشار مرتضى منصور رئيس نادي الزمالك عشان كده حضر العزاء وسلم على الناس ولكن قبل ما يقعد تصادف بحد تاني حضر العزاء وهو أحمد شوبير.
واللي تواجهوا الاتنين لأول مرة وجها لوجه في العزاء وفجأة أصبحوا في وش بعض قدام كل الناس وتحول العزاء لساحة من المشاهدين والكل منتظر اللي هيحصل وهل يتقلب لخناقة بينهم.
لكن اللي حصل كان الأغرب وهو أن مرتضى منصور اللي مش بيسكت لحد سكت مش بس كده لكنه عمل نفسه مش شافه وكأنه مش موجود.. وفي نفس الوقت اتباع مرتضى اللي كانوا معاه راحوا وكان بيحاولوا يحاوطوا شوبير قدام مرتضى.
شوبير اللي خاف من المواجهة دي عشان يبعد تماما ويمشي من المكان قبل ما تحصل اي شد أو يتحول الأمر لخناقة بينهم. عشان تنتهي أول مواجهة بين مرتضى وشوبير
في نفس الوقت طلع مرتضى منصور عشان يهاجم شوبير وقال في فيديو جديد له، إن أحمد شوبير هو اللي مشي اتحاد الكرة مش بس كده لكنه كمان هو اللي بيختار الحكام وأنه يتحدى أي راجل يطلع ينفي الكلام ده.
وقال مرتضى أن الدليل على كلامه إن نادر قمر الدولة مش بيطيق الزمالك لكن بيتم إسناد مباراة البنك الأهلي له عشان تكون النتيجة أنه مش يحسب ضربة جزاء واضحة لسيف الدين الجزيري وكان عايز يضيع المباراة من الزمالك.
كمان قال إن شوبير بيعين الحكام اللي بيحبوا الأهلي في المباريات بتاعته، رغم أن الأهلي مش محتاج مساعدة من حد لأنه فريق كبير وعنده لاعبين على أعلى مستوى ومعظمهم في منتخب مصر.. لكن اللي بيعمله شوبير بيسئ للنادي الأهلي مش بيجامله ولا بينصره.
