وجهت الفنانة مي عز الدين، عبر حسابها الشخصي بموقع انستجرام، اليوم الثلاثاء، رسالة إعجاب لمروان يونس، أحد مشاهير “السوشيال ميديا” وتقدير على مجهوداته في إضحاك الجمهاهير.
وعلقت مي على ذلك قائلة: “طيب دلوقتي أنا من أكتر الناس اللي معجبة بالإنسان ده من كتير … الوحيد اللي قادر علي إضحاكي و إعجابي بالموضوع اللي مختاره في نفس الوقت، إنسان بسيط و طبيعي و عائلته جميلة و دمها خفيف زيه ، دايماً هحطلكو لينك حلقته في الستوري عندي و هكتبلكو عليها الحتت اللي قتلتني من الضحك بالذات علشان تركزو فيها”.
وأضافت: “ربنا ينجحك يا مروان و دايماً يحفظك إنت و عائلتك و تفضل مش متصنع و أخف دم مصر، لينك حلقة النهارده هيكون في الستوري كمان شوية و إبقو ركزو في حتت الدوا بقي ١٤ حرف و شغلانة الأسانسرجي… أقسم بالله كنت بموت من الضحك خصوصاً إني عيانة أصلاً من إمبارح”.
يُذكر أن يونس تداول مقطع فيديو له، عبرصفحته بموقع فيسبوك، ليسخر من الآثار السلبية التي يتركها فصل الشتاء على جسم الإنسان مثل الأنفلونزا واحتقان اللوز، وعلق عليه ساخراً: “بجد بحب الشتا أوي”.
شاهد أيضاً:
نجوم الفن يشعلان عيد ميلاد ياسمين عبد العزيز..صور
متسابقة خلعت الحجاب لتشارك في «ذا فويس كيدز» وهجوم عنيف على أسرتها.. صور
