آخر الأخبار

الرئيس السيسي ينتصر على 5 من زعماء العالم بالضربة القاضية

تصدر اللقاء الي جمع الرئيس السيسي والرئيس التركي رجب طيب أردوغان منصات السوشيال ميديا والذي تم على هامش حضورهم حفل افتتاح كأس العالم.

وبالرغم من إن أردوغان كان حالف 100 يمين ويقول مستحيل اقابل الرئيس السيسي إلا إنه عمل محاولات كتير عشان يصلح العلاقات معاه، لحد ما قابله وجهًا لوجه في الدوحة.

أردوغان مش الوحيد

وبالنظر للمواقف السياسية الدولية هنعرف إن الرئيس التركي رجب طيب أردوغان مش الوحيد اللي راجع موقفه ناحية الرئيس عبد الفتاح السيسي، لأ ده فيه غيره كتير ومنهم الشيخ تميم بن حمد أمير قطر هو كمان.

أمير قطر والرئيس السيسي

قطر كمان انت واحدة من أكتر الدول اللي فيه بينها وبين مصر خلافات، سواء في التعامل مع بعض الملفات او حتى وجهات النظر.

فبالرغم من الخلافات اللي كانت موجودة بسبب التدخلات القطرية وسلوكها، إلا إن بعد كده اتراجعت الدوحة عن سلوكها، وسبحان الله هو هو الرئيس السيسي اللي كانت الجزيرة بتنتقده كل يوم.

بقى الرئيس صاحب الجهود الحثيثة على الساحة العربية لترسيخ دعائم السلم والأمن الإقليمي، وده على حد وصف الشيخ تميم بن حمد أمير قطر.

عقدة البشير

من اكتر رؤساء المنطقة اللي انتقدو الرئيس السيسي هو الرئيس السوداني السابق عمر البشير واللي وصل بيه الموضوع قبل كده إنه يقول إن بلده محتلة من مصر

وقال عمر البشير إن الخرطوم بتتحلى بالصبر تجاه مصر رغم احتلالها أراضيَ سودانية، في إشارة لمثلث حلايب وشلاتين، لأ وكمان كان البشير واقف في صف إثيوبيا في ملف سد النهضة على أمل إنه ياخد أي حاجة من اديس أبابا.

الغريب بقى إن بعد الموضوع ده، وتحديدًا في سنة 2018، في الدورة الثانية من اجتماعات اللجنة العليا المشتركة بين البلدين أشاد عمر البشير بدور الرئيس السيسي.

وقال البشير وقتها للرئيس السيسي عن زيارته أدت للسودان قوة الدفع للاستمرار في مسيرة العلاقات المشتركة وعززت روح الشراكة الفعالة بين البلدين

بايدن لف وارجع تاني

من اول ما أعلن ترشحه للانتخابات الأمريكية، بدأ انتقاداته لكل زعماء المنطقة مش الرئيس السيسي بس، وبدأ كمان يوجه اتهامات حقوقية لمصر والرئيس السيسي. بس بعد كده اتقلب الموضوع 180 درجة، ونفس الملف اللي كانوا بيهاجموه بسبب بقو يشيدو بدوره فيه.

وفي قمة المناخ اللي اتعملت في شرم الشيخ أشاد الرئيس الأمريكي دو بايدن بدور الرئيس السيسي ووساطاته في المنطقة.

نفس الموضوع اتكرر مع نانسي بيلوسي، رئيسة مجلس النواب الأمريكية واللي برضو سياستها تجاه مصر اتغيرت مع تغير موقف الرئيس جو بايدن.

حكومة شرق ليبيا

الموضوع في ليبيا ما اختلفش كتير، فحكومة شرق ليبيا واللي كانت ذراع لتركيا في المنطقة ما وقفتش عن انتقاداتها للنظام المصري بقيادة الرئيس السيسي.

وهو هو برضو الرئيس السيسي اللي دعا كل الأطراف الليبية في القاهرة لحل الأزمة في ليبيا وإنهاء الخلافات بين الفرق السياسية اللي هناك… امثلة كتير غيرهم راجعو مواقفهم تجاه مصر والرئيس السيسي بعد ما عرفو بالدور الكبير اللي بيقوم بيه مش بس في المنطقة لأ في القضايا الدولية كمان.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى