مسلسل العمالة المصرية فى الكويت ،كل يوم تطورات تحدث فيه،مابين تكويت بعض الوظائف ووقف إستقدام المصريين للعمل فى الكويت ،وأصبح صداع ملازم المصريين سواء فى مصر هنا وبتعافر لكي تسافر تعمل فى الكويت أو إنت بالأصل مصرى ومقيم فى الكويت فالتقرير ده من اجلك:
وركز معايا كويس علشان تعرف القانون الجديد 2023 لعمل المصريين فى الكويت سواء فى القطاع الخاص أو الحكومى ،ياترى بينص على ايه؟وهل فى صالح المصريين ولالا؟
من بعد تصريحات أمين سر مجلس الامة الكويتى أسامة الشاهين عن منع إستقدام المصريين للكويت ،وشايف إن وجود المصريين ده فى خطر على المال العام وعلى النسبة السكانية هناك.
وكل مصرى مقيم فى الكويت حاطط إيده على قلبه ليكون حظه من اللى هينزلوا نهائى لمصر،لكن الساعات اللى فاتت إنتشرت الأخبار عن قانون عمل جديد وضعته وزارة الشئون الإجتماعية الكويتيتة .
وعدلوا فى القانون ده بما يتناسب مع العمل سواء فى القطاع الخاص أو الحكومى ،وده لإن الحكومة الكويتية بتفكر تستغنى عن العمالة الخارجية وتعتمد على الكوادر الكويتية ، فحطت بعض التعديلات اللى أثارت توتر وغصب بعض المصريين الوافدين،وكمان غيروا إسمه من قانون العمل للوافدين لتكويت الوظائف بالكويت
القانون ده بيوفر فترة إنذار وأحقية إنهاء عقد العمل الغير محدد من احد الطرفين زى مثلا العاملين بنظام الأجر الشهرى لازم صاحب العمل يبلغ العامل قبل إنتهاء عقد عمله ب 3 شهور ،والعامل بنطام الأجر الغير شهرى يتبلغ بإنهاء عقده بفترة متقلش عن شهر ،ولو حد من الطرفين ملتزمش بالكلام ده يحق دفع أجر المدة المحددة من قبل القانون.
كمان صاحب العمل يدى العامل فرصة أنه يدور على شغل فى مكان تانى ،يوم كل أسبوع ويكون مدفوع الأجر .واللى يحدد اليوم ده العامل ،ويبلغ صاحب العمل قبلها بيوم .
أهم ما ينص عليه الفانون الجديد ده إن تم وضع حد أدنى للمرتبات ودم مش بيقلل من مسندتوى الخدمة المقدمة وصاحل العمل هو اللى يحدد المرتب كام ،بينص كمان على توفير خدمة التأمينات الإجتماعية للعامل خلال فترة العمل كاملة، والعامل لازم يحصل على مكاقأة فى نهاية الخدمة ،ولازم إبلاغ العامل المتاخربقرار التجديد فى قانون العمل لإنهاء إقامته،وده بعد إنهاء فترة العمل المتعاقد عليها.
ولو إشتغلت 6 شهور ورا بعض متوصلين ،ليك الحق تاخد أجازة سنوية لمدة شهر مدفوعة الأجر.وفى حالة إن سنك ستين أو اكتر أو مش معاك شهادة ثانوية عامة أقل حاجة ،مش من حقك تصريح عمل للوافدين للكويت .
فى حاجة إسمها قانون العمل فترة التجربة.. وده هتكون إن صاحب العمل بيعملك عقد عمل عن فترة مش أكتر من 100 يوم كتجربة ،وخلال الفترة دى ليك الحق أو لصاحب العمل إن يفسخ العقد بدون أى شروط أو إلتزام بقوانين ،ولو صاحب العمل هو اللى هيتخلى عنك فى الحالة دى يديك أجرك فى ال100 يوم بس .
طيب علشان تاخد مكافأة نهاية الخدمة فى مجموعة شروط كده لازم تاخد بالك منهم :ليك إنك تاخد المكافأة دى لو صاحب العمل انهى العقد بتاعك من نفسه كده،ولو عقدك خلص وصاحب العمل مجددش العقد معاك تانى .
المكافأة دى بتتحسب على حسب أجر 15 يوم فى السنة ،وده فى أول 5 سنين ليك فى الشغل لو شعال بنطام الأجر الشهرى.
وبعد ال5 سنين دول بيتم حساب شهر كامل عن كل سنة زيادة، والمكافأة دى مش بتزيد عن أجر سنة ونص، أما بقى لو إنت شغال بنظام الأحر الغير الشهرى هياهد أجر 10 أيام عن أول 5 سنين له ،وبعد كده هياخد أجر 15 يوم فى ال5 سنين التانيين.
كمان لو إنت قضيت 15 سنة فى شغلك ليك الحق تاخد مكافأة نهاية الخدمة ،أما لو قضيت من 3 ل 5 سنين هتاخد نص المكافأة ،ومن 5 ل10 سنين هتاخد تلتين المكافأة ،ولو قدمت إستقالت قبل 3 سنين ملكش الحق إنك تاخد مكافأة نهاية الخدمة .
طيب بمناسبة الإستقالة لو إنت شغال فى القطاع الخاص وعايز تستقيل قبل إنتهاء مدة عقدك وضعك هيبقى إيه ؟
بص يا سيدى فى نوعين من الإستقالة حاجة إسمها الإستفالة الصريحة ،والتانية هة الإستقالة الإعتبارية .
من إسمها صريحة يعنى منك للمدير بتاعك تقدمها وتستنى يردوا عليك بالقبول أو الرفض خلال 30 يوم من معاد تقديمك لها.
أما الإعتبارية دى فى حالة لو إنت إنقطعت عن العمل لمدة شهر بشكل متقطع أو 15 يوم متواصل .
طيب لو إنت كعامل خالفت القانون ده موقفك إيه مع صاحب العمل؟ فى حالة مخالفتك لقانون العمل الجديد هتدفع غرامة مش أقل من 100 دينار ولحد 200 دينار ،وبتاخد زى مخالفة كده مكتوبة بالجزاءات اللى وقعت عليك وسببها إيه ونوعها كمان والعقوبة غرامة كان بالظبط.
كمان من حق صاحب العمل يحقق معاك وإيقافك عن العمل 10 أيام، ولو ثبت إنك فى السليم صاحل العمل هيدفعلك أجر ال10 أيام دول.
مينفعش يتخصم منك أكتر من 5 أيام بس،ولو العقوبة أكتر من كده بيتم خصمها من الشهر اللى بعده..،لازم صاحل العمل يبلغ العامل ويواجهه بالتهم الموجه له بشكل مكتوب ويتنقاش معاه الأول ،واخيرا بيصدر لائحة يوضح فيها الجزاءات للعاملين على المخالفات.
كده أنا قولتلك كل التفاصيل الخاصة بقانون العمل الجديد فى الكويت،هل غنت شايف إنه فى صالحك كمواطن مصرى مقيم وشغال فى الكويت،ولا شايف إنه تتفيش للمصريين علشان يتم تكويت الوظايف زى ما بيتقال؟ شاركونا فى التعليقات.
