لأول مرة في التاريخ شهدت دولة الكويت تساقط كتل من التلج عليها عشان تتحول لزي البلاد الأوروبية ويغطي التلج الشوارع بشكل كامل مع اجتياح العاصفة الثلجية للبلاد.
لكن العاصفة زي ما هي حدث بيحصل لأول مرة في الكويت إلا أنه حدث خطير وده اللي خلى السلطات هناك توجه تحذير عاجل للمصريين والوافدين اللي بيشتغلوا في الأماكن الحدودية.. إيه اللي حصل؟ وإيه هو التحذير؟ وإيه خطة الطوارئ اللي تم تفعيلها؟.. تفاصيل كتيرة نكشفها من خلال التقرير التالي:
في مشهد بيحصل لأول مرة في دولة الكويت تحولت لدولة أوروبية التلج بيغطي شوارعها في كل مكان وكأنها في قلب أوروبا بعد ما كانت من أكثر البلاد اللي مش بتتأثر بالشتاء إلا أن اللي حصل في الساعات اللي فاتت خلى الناس في الكويت في مشهد بيشوفوه لأول مرة مع سقوط الأمطار بغزارة وكمان التلج على الشوارع.
المشهد اللي قلب السوشيال ميديا وعمل حالة من البهجة في الكويت إلا أنه برضو كان السبب في اضطرابات كتيرة أبرزها كانت في الأمطار اللي عملت حالة من إرباك حركة المرور، خاصة في المنطقة الجنوبية اللي عانت من تجمعات كبيرة للمياه، وبالتحديد في اتجاه ميناء الشعيبة ومناطق البر ومناطق أخرى مختلفة.
الأمطار الغزيرة اللي غرقت شوارع الكويت خلت وزارة الداخلية تغلق عدد من الطرق بسبب تجمعات المياه وخوفا على حياة المواطنين والمقيمين هناك من حدوث اي شئ سواء ماس كهربائي أو هبوط لبعض الأراضي واللي ممكن يتسبب في إصابات او تعرض بعض الأشخاص للخطر.
في نفس الوقت حاولت فرق الطوارئ التعامل مع تساقط الأمطار والتلج على الشوارع، مع انتشار الدوريات الأمنية والمرورية في شوارع البلاد، كمان رفعت الجهات المعنية أقصى درجات الاستنفار، تحسبًا لأي طارىء بسبب التقلبات الجوية.. مش بس كده لكن السلطات وجهت تحذير عاجل للمصريين في الكويت والوافدين هناك اللي بيشتغلوا في المناطق البعيدة والمتطرفة والمناطق الجنوبية اللي تعتبر من أكر المناطق اللي سقط عليها التلج.
التحذير الجوي العاجل اللي أطلقته السلطات الكويتية هيستمر لمدة 48 ساعة بداية من الثلاثاء ولغاية الخميس بسبب تأثر البلاد بالأمطار الرعدية واللي ممكن تخلي الرعد يضرب أي حد، ونظراً لأن هناك فئة كبيرة من العاملين في المناطق دي من المصريين والوافدين بشكل عام عشان كده السلطات وجهت لهم تحذير عاجل، خاصة أن ممكن تحصل أمطار غزيرة تاني على بعض المناطق في ظل استمرار العاصفة الثلجية ومع نشاط في سرعة الرياح واللي بتوصل لأكثر من ٥٠ كم في ساعة.
كمان أعلنت قوة الإطفاء العام الكويتية أن إدارة العمليات المركزية فعلت خطة الطوارئ مع الجهات المعنية عشان تتعامل مع الحوادث اللي بتحصل في البلاد بسبب العاصفة الثلجية اللي بتواجه البلاد في الوقت الحالي ووجهت المواطنين الالتزام بالمنازل في الوقت الحالي خوفا على حياتهم من الحوادث.
