عرض اللإعلامي حنفي السيد، مقدم برنامج «عيون الشعب» جريمة بشعة لشاب في محافظة المنيا أقدم على قتل أمه وشقيقته وشقيقه، مدعيًا أنه نفذ الجريمة بمعاون الجن وتحت سيطرتهم عليه.
وحاور حنفي السيد خلال إحدى حلقات برنامجه «عيون الشعب»، المُذاع عبر قناة «الصعيد» الفضائية اللواء أسامة متولي مساعد وزير الداخلية لمحافزظة المنيا آنذاك، حيث روى تفاصيل وكواليس الحادث.
وقال «متولي» إن المتهم أقدم على جريمته بسبب افدمان، حيث علم أن أسرته تخطط لاصطحابه إلى إحدى المصحات في القاهرة للعلاج.
ومن جانبه، قال المتهم: «احنا 3 إخوات شباب و7 بنات وعايشين في بيت واحد، أنا ما اتجوزتش لحد دلوقت عشان انا معمول لي أسحار، رحت لكذا شيخ قروا عليا جسمي فرفر وقالوا لي إن انا معمول لي سحر».
وأضاف: «أنا في مرة وأنا نازل من البيت لقيت جركن فيه حاجة كده عاملة زي السمن، ومعرفتش إيه مصدرها، ومن ساعتها وأنا بشوف كوابيس، ومش بعرف أفرق ما بين الكابوس والحقيقة، وكتير بيجي لي هلوسة دايما بسبب الجن والسحر ده».
وتابع: «أنا كنت بشوف امي قرد مسلسل وعاوزة تاكلني، ومش أمي بس كانت اختي وأخويا والبيت كله كنت بحس إنهم عاوزين يموتوني، وكنت بشوفهم في المنام بيعملوا فيا حاجات وكنت بحس إنها حقيقة».
واستطرد: «كنت بشوف أخويا هيكل وحيوانات مفترسة وعاوزين يهجموا عليا، ولما قتلتهم ما أعرفش ده حصل إزاي، وبعد ما حصل اللي حصل قعدت أضرب في نفسي وأخبط في نفسي، لأني ما كنتش مقتنع باللي حصل».
