روى الفنان مصطفى كامل، تفاصيل أزمته مع المطربة اللبنانية هيفاء وهبي، وسبب عدم اعتذارها لنقابة المهن الموسيقية حتى الآن، خاصة بعد توجيه أكثر من إنذار وإخطار لها على خلفية الإساءة لمدير أعمالها المصري وعضو النقابة، مما أدى إلى صدور قرار بإيقافها عن العمل بداخل مصر.
مصطفى كامل يكشف تفاصيل أزمة هيفاء وهبي مع الموسيقيين
وقال مصطفى كامل خلال تصريحات تليفزيونية: أنا معنديش حسابات تحت الترابيزة، ليا زميل عضو جمعية عمومية هو مدير أعمالها، اشتكى إنها كتبت كلام وحش عنه، أنا بعت إنذارات وطلب حضور، لأني مبحبش الشطب والمنع بحس إني قاتل، ولكن فيه ناس عملنا معاهم ده لأنهم يستحقوا، وزميلي ده له حق عليا، وابتديت أكلم المستشار القانوتي ياسر قنطوش محاميها، الموضوع سهل صالحي الراجل وراضيه.
وتابع مصطفى كامل: دوري أحمي حقه، ولما مجتش هيفاء واعتذرت، خدنا القرار، ومبعرفش أكل حرام ولا ليا في القذارة بخاف على سمعتي، كلمتني عن طريق شخص صاحبي وأخويا وطلبت تكلمني، قولتلها يا هيفاء أنتي اخطأتي في حقه وكان أقربلك مني، لما أبعتلك أقولك تعالي راضيه بعد ما أسأتي له فأنتي مجتيش، قالتلي لو ينفع أجيلك البيت، في الوضع ده أنا أتحط في مكان مش كويس الأزمة تخلص مع زميلي في النقابة وبيتي مفتوحلك.
