فنانة شاملة ومتعددة المواهب. اشتغلت دراما وتلفزيون وحققت نجاحات كثيرة.. والمدهش أنه لا يظهر عليها سنها الحقيقي، وكل من يراها يعر فانها في عز شبابها.
انهارده هنتكلم عن الفنانة الجميلة والجريئة عبير صبري.. وكواليس اللي حصل ما بينها وبين عادل إمام وأحمد زكي.. وكمان أسرار عن حياتها الشخصية والبوسة اللي أحرجت جوزها في مهرجان القاهرة السينمائي.. كل ده وأكتر هنعرفه في «لايف تريند».
الفنانة عبير صبري لها تاريخ فني كبير.. ممكن تكون مش نجمة شباك ولا يعني بطلة سلسلة أفلام.. لكن وجودها في أي عمل فني أو درامي بيزود قيمته الفنية.
جمالي وأنوثتي جزء من أدواتي
عبير لها آراء جريئة كتير وعمرها ما اتحرجت تعلن عن رأيها في أي موضوع.. أو تخبي أو تغير كلامها في أي قضية.
زي مثلا لما اتسألت عن أدوار الإغراء اللي قدمتها خلال مسيرتها الفنية.. وقتها قالت.. أنا مش شايفة نفسي عملت أدوار إغراء.. كل الحكاية إن أنا بنت حلوة وده جزء من أدواتي كممثلة.. الجمال مش تهمة وأنا عملت أدوار تعتمد على الجمال وعلى أنوثتي.
أرفض التشبيه برانيا يوسف
عبير كشف أسرار عن حياتها الشخصية وعن سبب اختيارها لجوزها.. وقالت عليه أنه يمتلك كل المميزات زي الحب والنجاح والفلوس.. بس هي ارتبطت بيه عشان حبيته.
وقالت إنها مبتحبش تتقارن بحد من الفنانات.. خصوصا لما حصلت مقارنات ما بينها وبين رانيا يوسف اللي لبست فستان من غير بطانة.. وفي نفس المهرجان عبير صبري حضنت جوزها قدام الكاميرات.
وقالت مفيش مقارنة خالص بيني وبين رانيا.. “أنا كنت ببوس جوزي حلالي وده طبيعي، وكنت فرحانة بيه وعايزة أقول للناس أنا ببوس جوزي وفرحانه ودي مش تمثيلية، وكنا داخلين ومبسوطين وهو أول مرة يحضر مهرجان، وكان فرحان أننا بدأنا نظهر مع بعض في مناسبات اجتماعية”.
البوس حرام
عبير صبري لها رأي مختلف شوية عن باقي الوسط الفني عن المشاهد الساخنة في الأفلام ومشاهد البوس بالتحديد.
وقالت إنها مقتنعة تماما أنها حرام.. لكن كانت بتعمل الأدوار دي عشان المخرجين كانوا بيطلبوا منها تعمل كدا.. والموقف دلوقتي اتغير تماما وعمرها ما هتوافق على الأدوار دي احتراما لجوزها.
من الحاجات الغريبة في حياة عبير صبري برضو وعلاقتها بزوجها أنه بيحدد علاقتها بالسوشيال ميديا.. وقالت إنها بتخاف منه جدا.. وهو بيمنعها حتى تعمل علامة إعجاب لزمايلها الممثلين.. وقالت إنه مسيطر ومتحكم وعصبي بس بتحبه.
مغازلة من الزعيم
وعن عمليات التجميل اللي عملتها في حياتها.. قالت إنها معملتش أي عملية تجميل طول حياتها.. ولما تحس إنها محتاجة تعمل النوع ده من العمليات هتروح للدكتور على طول.
عبير صبري أكدت أن الزعيم عادل إمام غازلها قبل كدا وقالها “خدودك جميلة زي خدود سهير رمزي”.. والنجم أحمد زكي شبهها بميرفت أمين ونجلاء فتحي.
