حرصت المراسلة أميمة البدري على طمائنة المتابعين عبر حسابها الرسمي بموقع التواصل الاجتماعي «فيسبوك» عن تطورات حالتها الصحية خلال الساعات القليلة الماضية، خاصة بعدما تعرضت لأزمة صحية جعلتها تفقد النطق.
وكتبت أميمة البدري عبر حسابها ارسمي بموقع «فيسبوك» عن حالتها الصحية، قائلة: «بشكر كل الناس اللي سألت عليا وأهتمت بالبوست اللي فات مكنتش قاصدة أنسي حد علشان كده مسحته فبشكركم بجد ودعواتكم بإتمام الشفاء».
وأضافت البدري: « شكراً لله وشكراً ليكم بفضل دعواتكم، الحمد لله أنا بقيت كويسة خلاص فاضلي حاجات بسيطة إنما أنا بقيت تمام الحمد لله و بعرف أتكلم بس مش قادرة أرد علي أي تليفونات».
وكانت الإعلامية أميمة البدري تعرضت لأزمة صحية اسفر عن فقدانها النطق، وأعلنت عبر حسابها الرسمي بفيسبوك، قائلة: «أنا محتاجة حد يساعدني ارجوكم أنا فاجأة فقدت النطق مش عارفه أنطق ولا اتكلم وشفتي طبقت زي البكم والصم وصوتي مش طالع ومش قادرة اخد نفسي أنا خايفة ومش عارفه اعمل ايه انا تعبانه جدا ومش قادرة أنا مخضوضة من اللي حصلي».
