فنانات كثيرة في الوطن العربي يتمتعوا بجمال جذاب وهذا ما ظهر أيضا على بناتهم وكإنهم توأم لهم أو نسخة طبق الأصل، وجمهور كثير سأل عن هذا الجمال وسر الجاذبية والعيون المميزة ولون البشرة.
وفي هذا التقرير هتتعرفوا معانا على أبناء فنانات هما وأمهاتهم نسخة طبق الأصل، وهنستنى تعليقاتكم تقولولنا مين فيهم الأجمل؟
نانسي عجرم وبناتها
نانسي عجرم فنانة لبنانية جميلة وبتتمتع بروح جذابه ودم خفيف وكل اللي قابلها أو اتعامل معاها مختلفش على ملامحها الأوروبية وكله كوم وبناتها التلاتة كوم تاني ورغم إنهم بدأوا يكبروا بس جمالهم واخدينه منها وبناتها هما ميلا وعندها 14 سنة واتولدت يوم 16 مايو سنة 2009، وبنتها التانية هي إيلا واتولدت يوم 23 يوليو سنة 2011 وعندها دلوقتي حوالي 12 سنة، والتالتة هي ليا واتولدت يوم 30 يناير سنة 2019 وعندها دلوقتي 4 سنين.
بنت نوال الزغبي وبتشتغل إيه؟
الفنانة نوال الزغبي عندها 3 أبناء ولدين وبنت وحيدة خلفتهم من زوجها إيلي ديب قبل الانفصال بينهم، وهي طبعًا فنانة عندها شعبية كبيرة في الوطن العربي ومنحها الجمهور لقب النجمة الذهبية، وبنتها “تيا ديب” ملامحها كلها من مامتها وحاليًا تيا بتدرس تصميم الأزياء ومختارتش تكون مطربة زي مامتها او تدخل مجال التمثيل.
بنات دلال
الفنانة دلال عبدالعزيز رحلت عن دنيانا في أغسطس سنة 2021 بعد إصابتها بأزمة صحية شديدة لكنها سابت وراها بنتين ورثتهم الفن وخفة الدم سواء منها او من باباهم الفنان سمير غانم، وهما دنيا سمير غانم وإيمي سمير غانم والاتنين في مجال التمثيل وبتعتبر دنيا فنانة شاملة ليها في الغنا والاستعراض أما دنيا فهي فنانة كوميدية مميزة والثنائي واخدين ملامحهم وجمالهم من ماتهم.
غادة عادل وابنة وحدية على أربع صبيان
الفنانة غادة عادل من الفنانات اللي عندهم أولاد كتير ما شاء الله معاها 5 فيهم بنت وحيدة اسمها مريم على أربع صبيان خلفتهم من المنتج والمخرج مجدي الهواري اللي انفصلت عنه من فترة لكن علاقتهم كويسة وبيراعوا الأبناء، لكن بنتهم واخدة كتير من مامتها غادة وكل ما صور ليهم تظهر يوضح أكتر غنها نسخة طبق الأصل منها.
ملهاش حظ
رغم إن الفنانة عزة مجاهد ملهاش حظ في الوسط الفني زي مامتها الفنانة فيفي عبده ومش بتشارك في أعمال كتير لكن هي ورثت الجمال من مامتها وصورها معاها بتوضح إنهم شبه بعض.
صفاء أبو السعود بناتها كبروا
ورغم إن الفنانة صفاء أبو السعود بناتها كبروا وبقت كل واحدة منهم ليها طريقها الل اخارته في حياتها بس جمالهم واخدينه من مامتهم، وهما بردوا يبقوا بنات الشيخ صالح رجل الأعمال السعودي وأسمائهم هي هديل وأًصيل ونضير والأولى عندها 43 سنة وكانت رئيسة مؤسسة ART وراديو وتلفزيون العرب، قبل 10 سنين، والتانية هي هديل ودي حصلت على بكالوريوس إدارة الأعمال سنة 2000 وتعتبر نائب رئيس مجلس إدارة عدد من الشركات، والتالتة هي أصيل اللي احتفلت بزفافها في نوفمبر سنة 2014.
مين تاني من الفنانات وبناتهم؟
وغير اللي ذكرناهم في الفيديو في بنات فنانين بردوا يشبهوا أمهامتهم زي ميرفت أمين وبنتها منة حسين فهمي وشيرين عبدالوهاب وبناتها هنا ومريم، وبوسي وبنتها مي نور الشريف وغادة عبدالرازق وبنتها روتانا وشيرين وبنتها ميريت وشيريهان وبنتها لؤلؤة وأصالة وبنتها شام وهيفاء وهبي وبنتها زينب نصر فياض.
