كشف الفنان أحمد فهمي عن معنى التاتو المكتوب على يده اليسرى.
وخلال لقاء أحمد فهمي في برنامج “الحكاية” الذي يعرض عبر قناة MBC مصر، سأل الإعلامي عمرو أديب “فهمي” عن معنى التاتو المرسوم على يديه وقال له: “حاجه عن الحيوانات أنا بحب الحيوانات، مكتوب أن أكتر ناس ممكن تتعلم منهم الإنسانية مش شرط يبقوا بني آدمين”.
تابع أحمد فهمي ليحكي عن تعليق صديقه الفنان محمد عبد الرحمن على التاتو قائلا: “توتة كان بيقولي خلي بالك في مسدج جات على دراعك”.
وخلال اللقاء تحدث أحمد فهمي عن المنافسة بين فيلمه “مستر إكس” والأفلام التي عرضت في موسم عيد الأضحى 2023، وقال: “أفلام العيد كلها كانت كبيرة ودا أول مرة يحصل في العيد ولو في فيلم واخد إيرادات كبيرة لازم تعرف واخد كام شاشة عرض”.
وبسؤاله عن إيرادات فيلم “تاج” لتامر حسني، قال: “نجم كبير وعلى راسي، وكذلك كريم عبد العزيز ولما بصحى بلاقي أكتر من حاجة معرفش أنا رقم كام في مصر، في السعودية بنقدر نعرف الإيرادات وفي الآخر الشاشات اللي خدتها في مصر، ولو ادتوني شاشتين، هشتغل وأنجح، وفي آخر الصيف جمع كل حاجة وقولي أنا ترتيب كام، ولو الأخير”.
وقدم أحمد فهمي الشكر للمنتج أحمد السبكي قائلا: “مش بيفرق معاه أي حاجة غير إن هو عايز يعمل فيلم حلو، وقولتله عايزين نعمل فيلم كوميدي صورته حلوة جدا، ويبقى نقلة لينا كلنا على مستوى الصورة، وطول الوقت بيخاف على الصناعة وهو اللي كان بينتج أفلام وقت الثورة”.
