جميعنا نتذكر الضجة الكبيرة التي تسببت فيها الفنانة الجريئة “رانيا يوسف” عندما ارتدت الفستان بدون بطانة، وقتها “رانيا” كانت في مهرجان القاهرة السينمائي، وعندما ظهرت على الريد كاربت جسمها كله انكشف خاصة المناطق الحساسة، ومن الضجة اترفع على “رانيا يوسف” قضايا كبيرة بتهمة نشر الانحلال والفسوق في المجتمع.
لحد ما طلعت النجمة المثيرة للجدل، واعتذرت للجمهور وقالت إن البطانة وقعت منها في المهرجان، لكن الناس رفضوا ردها لأنه غير منطقى.
رانيا اشتهرت بفستانها الجريء ده، لكن الواضح إن أزمة الفستان لسة مستمرة بعد الخناقة اللي حصلت بينها وبين النجمة المكسيكية العالمية سلمى حايك
من كام يوم خطفت النجمة سلمى حايك الأنظار لإطلالتها الملفتة خلال فعاليات العرض الأول لأحدث أعمالها السينمائية «Magic Mike’s Last ».
وظهرت خلاله الفنانة “سلمى حايك” وهي لابسة فستان شفاف أسود اللون أبرز مفاتنها بشكل لافت زي ما حصل كدة مع رانيا يوسف في مصر.
«سلمى» نشرت إطلالتها المثيرة من خلال مقطع فيديو وصورة على حسابها الشخصي بـ«إنستجرام»وعلقت بعبارة قالت فيها إن الأجواء في مدينة ميامي الأمريكية ساحرة، لا تفوتوا فرصة الاستمتاع بها في عطلة نهاية الأسبوع».
إطلالة «سلمى» المثيرة تفاعلت معها الفنانة رانيا يوسف، فدخلوا في خناقة سوا على انستجرام خاصة بعدما شاركت الفنانة المصرية صورة الفنانة المكسيكية على خاصية «ستوري» بـ موقع«إنستجرام».
رانيا يوسف نشرت صورة “سلمى” ومعها صورة فستانها المثير للجدل اللي سبق وظهرت به خلال مهرجان القاهرة السينمائي، واللي اتسبب وقتها في أزمة بسبب البطانة.
وعلقت على الصورتين رانيا يوسف قالت: «وبعدين بقى في التقليد الأعمى ده.. دي نفسنة يا سلمى».رانيا يوسف دايما بتبقى حديث الساعة على مواقع التواصل الاجتماعي يا اما بظهورها الجريئ أو بتصريحاتها الغريبة
يعني زي ما قلنا مرة بسبب «بطانة» فستانها، ومرة تانية بإساءتها للراجل المصري، ودي الواقعة اللي وصلتها لساحات المحاكم أكتر من مرة، وغيرهم كتير.
من ضمن أزمات رانيا تصريحها اللي قالت فيه إن الراجل المصري دايمًا بيكون ملاك في أول 3 شهور بس من العلاقة بعدها بيتغير.
وفي مرة تانية اتسببت رانيا يوسف في ضجة على السوشيال ميديا لما قالت انها فنانة بترجع الساعة 5 الفجر وللسبب ده عاوزة واحد يحترم مواعيدها وشغلها ويقدر المسؤولية!!
ومش كدة وبس ده قالت اللي هو أكتر من ده بمراحل، وهو انها بتلبس المايوه أو الشورت في الصيف، ومش بتعتبر إن لقب ممثلة إغراء شتيمة أو إهانة بالنسبة لها.
رانيا قالت إن بنتها طلبت منها تلبس الفستان إياه اللي من غير بطانة، وحصلت بسببه المشكلة وقالت لها إنه هيبقى حلو عليها.
رانيا وافقت على طلب بنتها وقالت إن ده حقها على اعتبار إن اللبس حرية شخصية ومن حق البنت تلبس اللي هي عاوزاه لأنها بتلبس اللي يناسبها.
