فن و مشاهير

سر ارتداء أنغام النقاب ولماذا أصرت على حبس نجاح الموجي؟

طول عمرنا نرى أنغام الفنانة البريئة الرقيقة لكن ما بداخلها يعلمه الله وحده، لذلك يجب أن لا تنخدع بالمظاهر ، فهلتعرفوا إن في فترة من فترات حياة أنغام لبست النقاب؟

طيب عارفين إن ليها حكاية مع الفنان الراحل نجاح الموجي ووقتها أصرت إنها تسجنه وقلبها كان قاسي أوي عليه ومقدرتش أي حد من الفنانين اللي اتوسطوله.. تعالوا أحكيلكم الحكاية.

شخصية أنغام

واضح كده إن الفنانة أنغام من الفنانات اللي مش بتسيب حقها وكمان مش بتسامح بسهولة وكلنا شوفنا مواقف كتير ليها زي إنها رفضت خالص أي واسطة عشان تتصالح مع أصالة وده بعد الموقف اللي حصل من أنغام وجوازها من قريبها الموزع الموسيقي أحمد إبراهيم وناس كتير حاولوا يصلحوا الأمور وأنغام مفيش فايدة دي حتى أصالة نفسها قربت المسافات وحاولت وبردوا التانية ولا هي هنا.. المهم مش ده بس الموقف الوحيد اللي حصل يقول إنها شخصية عنيدة ومش بتسامح بسهولة.

أنغام رفضت تخلي أبو ابنها يشوف ابنه بسبب المشاكل اللي عملهالها ورفضه إنه يديها حريتها وتنفصل عنه وسابها تخبط على ببان المحاكم عشان تنفصل.. أنغام مكانش هاممها كلام الناس عن علاقتها بأبوها وإنه غضبان عليها مهمهاش كلام الناس عنها إنها لهفت راجل من بيته ومراته وعياله واتجوزته كل دي تقولنا إن اللي عملته في نجاح الموجي دليل على قلبها الجاحد أو القاسي قول زي ما تقول.

لبست النقاب

في يوم من الأيام أنغام سابت جرح ليه أثر في حياة الفنان الراحل نجاح الموجي.. طبعًا هو كان فنان معروف بحسه الكوميدي ودايمًا يقول إيفيهات ونكت والجمهور بيضحك ورغم إن الحوارات دي كانت بتعمله مشاكل بس هو مبيحرمش المهم الجمهور يضحك.. وفي يوم من الأيام الموجي كان عامل مسحرية اسمها “لامؤاخذة يا منعم”.

كان بيتريق على عمرو دياب ومحمد فؤاد وفنانين عادي جدًا وكان من بين اللي اتريق عليهم المطربة أنغام طبعًا الهضبة وفؤش طنشوا الموضوع يعني بالبلدي كده كبّروا دماغهم وقالوا خلي الجمهور يضحك لكن أنغام كان ليها رأي تانبي وممكن نشوف إن ده حقها بس عادي يعني يا فنانة دي كوميديا والناس بتضحك عادي والموضوع هياخد وقته وخلاص.

المهم أنغام قررت في يوم تلبس النقاب وتروح تقطع تذكرة زيها زي الجمهور عشان تتفرج على مين على نجاح الموجي وهو بيتريق عليها وتشوف الموضوع يستحق ولا لأ.. طبعًا عيون الجمهور مكانتش شايفاها وقعدت بينهم وأول ما الموجي قال إيفيه “ألغام” بدل أنغام، الجمهور مقدرش يمسك نفسه وهاتك يا ضحك بشكل هستيري وعلطول أنغام مستنتش لآخر العرض وخدت بعضها ومشيت وقررت تاخد بتارها منه.

لا تراجع ولا اسستلام

وفي مرة ظهر نجاج الموجي، وقال في تصريحات تلفزيونية لي إن أنغام رفعت عليه دعوى قضائية اتهمته بالسب والقذف بسبب الإيفيه اللي قاله في المسرحية وهو كان معتقد إن الموضوع هيعدي بعد ما يعتذر عادي لكنه اتفاجئ إن أنغام مصرة على موقفها معاه وهتاخد حقها يعني هتاخده.

المهم وقف نجاح الموجي وقف قدام جهات التحقيق في التسعينيات وصدر ضده حكم بالحبس 3 شهور وقتها اتوسط فنانين عند أنغام عشان تتنازل عن حقها لكن هي صممت على حبسه وفعلًا دخل السجن وقعد فيه 15 يوم لحد ما عمل استشكال على الحكم وخرج براءة.

تفتكروا أنغام كانت صح في اللي عملته ده وشايفين قلبها القاسي ده وشخصيتها العنيدة في صالحها وهي صح ولا كان لازم تراجع نفسها؟.. اكتبولنا آرائكم في الكومنتات.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى