الفنان حسن يوسف ظهر في مقابلة اتكلم فيها عن القبلات في السينما وهل هي حقيقية وفيها مشاعر ولا لأ؟، وقتها كان رده صادم فعلاً ومع نظرة بعيدة شوية هتلاقي حسن عنده تناقض رهيب وده اللي خلى جوازته الأولانية من فنانة مشهورة تفشل ولما حاول يرجعلها رفضت رغم الحب الكبير بينهم، يا ترى مين هي الفنانة دي وإيه حكاية فشل جوازتهم وإيه اللي قاله عن القبلات في السينما كانت متناقض مع أفعاله، كل ده وأكتر هتعرفوه معانا في الفيديو هنحكيلكم اللي حصل.
شهرة جبارة
الفنان حسن يوسف، من أشهر نجوم الوسط الفني وقدم أعمال فنية كتير على مدار تاريخه، مين يقدر ينسى أدوارالولد الشقي اللي بيعرف يلاعب النجمات في السينما ويوقعهم في حبه، والقبلات بتاعته في فنانات كتير علامة في تاريخه اللي قال إنه ندمان عليها، وكمان حسن اتجه للإخراج في السبعينيات وكان ليه أفلام مثّل في شوية منها وشاركته البطولة مراته الحالية شمس البارودي، وكان منها كمان فيلم اعترضت عليه الرقابة على المصنفات الفنية، وهو “الجبان والحب” وكمان قدم أعمال تليفزيونية ومسرحية أهمها دوره في “ليالي الحلمية وإمام الدعاة”.
القبلات في السينما
حسن يوسف كان له تصريحات عملت جدل واسع قال فيها إن القبلات فى السينما كانت وهتفضل مفيهاش أي أحاسيس وهي زي المية لا لون ولا طعم، إزاي في موقع التصوير اللي بيضم عشرات العاملين من مخرج وفنيين وممثلين والقبلة يكون فيها مشاعر؟، ووقتها التصريحات دي سببتله انتقادات واتوصفت بالتصريحات الخطيرة لأنه كده أباح القبلات وتلامس الرجال مع النساء حتى لو في إطار التمثيل وده بيتعارض مع الدين الإسلامي، بس حسن يوسف من الآخر هيتحمل وزر تصريحاته دي اللي وصفوها بالغريبة وسخـروا منها.
ندم بعد نضج
المشكلة إن بعد العمر ده كله حسن يوسف أعلن ندمه على المشاهد اللي عملها وده أول تناقض، اللي هو في إيه يا فنان انت مش قلت ولا ليها طعم ولا فيها مشاعر؟، ووقتها قال لو أنا بنفس الوعي الديني اللي وصلت ليه دلوقتي مكنتش قدمت مشاهد القبلات، بس وقتها بقى كنا في مرحلة الانتشار اللي الفنان كان فيها آلة في إيد المخرج يحركها زي ما هو عاوز ومفيش فرصة نرفض المشاهد دي.
وكمل كلامه يقول دلوقتي بعد ما نضـجت فنياً وبعد تاريخه الطويل واللي قدمه من أعمال دينية ميرضاش إن يكون أي عمل من أعماله في مشاهد قبلات، وكمان قتل إن مسيرته نقية زي البفتة البيضاء، والقبلات دي خالية من المشاعر والأحاسيس، كنا نتمضمض بعدها، وعشان كده تعتبر مش حرام.
فشل جوازته الأولانية
الأغرب من كل اللي سمعته ده إن رأي حسن يوسف في القبلات تناقض مع أفعاله ودي تاني حاجة عملها لما اتجوز من مراته الأولانية الفنانة لبلبة، ووقتها حصل خلافات حاد بينهم عشان هي وافقت إن الفنان حسين فهمي يبوسها في فيلم ليه، طبعا لبلبة كانت متجوزة حسن ولازم تشوره ووقتها خيرها ما بين تبوس حسين فهمي أو تستمر في الجوازة دي بس هي اختارت البوسة ومتوقعتش إن حسن يوسف ينفذ تهديده لها وفعلا طلقها.
محاولة خسرانة
لبلبة قالت عن الموضوع ده إنها كانت بتتعاون للمرة الأولى مع المخرج حسن الإمام وطلب منها ابوس حسين فهمي في أحد المشاهد ولما اتصلت بحسن يوسف تسأله رفض بس هي باسته بسبب إلحاح المخرج وقتها، واتطلقت وبعد الطلاق استمرت لبلبة في حياة العزوبية بس حسن يوسف بارتبط بالفنانة شمس البارودي، وفي فترة من الفترات أصاب الفتور علاقتهم وتم الانفصال وحاول وقتها يرجع لبلبة لعصمته بس هي رفضت، وبعدها حسن رجع لمراته شمس مرة تانية واستمر جوازهم لحد دلوقتي.
