حلت الفنانة بوسي، الساعات الماضية، ضيفة في ببرنامج “حبر سري” الذي تقدمه الإعلامية أسما ابراهيم بقناة “القاهرة والناس”.
وخلال اللقاء قالت بوسي: ” ميخصش سعد الصغير روحت لأبويا الجنازة ولا لأ، وأنا مبحبش حد يعمل تريند على قفايا، ليه بتدخل نفسك في حاجة متخصكش؟ هتقول زميلتك أنا مطلبتش منك تتدخل.”
سعد الصغير يفتح النار على بوسي
من جانبه رد عليها الفنان سعد الصغير قائلا: “بوسي دلوقتي بتقولي متتدخلش في حياتي؟!، إنتي مدخلاني في حياتك من ساعة ما ربنا خلقك، كل المشاكل أنا اللي كنت بخلصها.”
وأضاف: “اللي جايب لها أغنية آه يا دنيا أنا، لما كان طليقها بيضربها ويحصل مشاكل كانت بتقول الحقني أنا ومحمود الليثي، لما دخلت السجن وكان عليها شيكات”.
وأكمل: “ولما كانت هربانة بره البلد وطلع عينها، ومن الآخر مكنش معاها جنيه أنا اللي وقفت جنبها، دلوقتي بتقولي متدخلش!”
وفي سياق متصل، قالت بوسي: “لما إتجوزت كان سني 19 سنة، وكان مقفول علي لدرجة إنه منعني أشوف أهلي وصحابي والمقربين”.
وأشارت: “أفلام السبكي ضرتني كممثلة وكان شايفني مطربة بس وكان ممكن يستغلني أحسن من كدا”.
وتابعت: “أحمد السبكي أنا بحبه وعلى عيني وعلى راسي بس كان شايفني في حتة الأفلام التجارية وأغاني ونهذر ونضحك وما كانش شايفني ممثلة أقدر أعمل حاجة”.
