فن و مشاهير

صورة طبق الأصل..شبيه الفنان طلعت زكريا حديث السوشيل ميديا لن تتخيل الشبه الكبير بينهما

المثل يقول يخلق من الشبه أربعين لكن تقريبا الأربعين شبيه للفنان الراحل طلعت زكريا تجمعوا في واح فقط، حقيقي عندما تراه لن تصدق السششبه بينهما.

شبيه طلعت هو نفسه في كل ملامح وشه ده حتى الشنب اللي يعتبر علامة مميزة لطلعت شبيهه عنده شنب زيه بالظبط.. والله بالشعرة.. تفاصيل الحكاية وإيه اللي حصل وكان إيه تعليق الفنانة إيمي طلعت زكريا على الفيديوهات والصور لما شافته ده اللي هقولكم عليه دلوقتي.

 فنان كشف الحكاية

الفنان الشاب عمرو عبدالعزيز، هو اللي كشف حكاية شبيه الفنان الراحل طلعت زكريا، وتشوف الصورة تقول نسخة ثانية منه فعلاً فولة اتقسمت نصين.. الصورة دي نشرها عنرو على حسابه في فيسبوك، وحصلتله دهشة غريبة بسبب التشابه الكبير.

الراجل ده اسمه أبو حمد المدريدي، وهو كويتي الجنسية وعمرو قال إنه اتخض جداً واتثبت شوية لما شاف الشبيه وافتكر الفنان الراحل طلعت زكريا، وقال الراجل ده اسمه أبو حمد المدريدى لقيته من شويه على تيك توك فعلاً أول مرة أصدق المثل اللي قال.. يخلق من الشبه أربعين.. الله يرحمك ياعم طلعت ويحسن إليك.

ومع تفاعل الجمهور معاه الدعوات كانت محاوطة الفنان طلعت زكريا اللي ودع دنيتنا في أكتوبر سنة 2019 وهو عمره 59 سنة بعد فترة من التعب لأنه اتعرض لأزمة صحية صعبة ودخل المستشفى، الجميل إن بنته إيمي طلعت زكريا كان ليها تعليق على البوست بتاع عمرو عبدالعزيز، واعتبرت إن دى فرصه حلوة علشان الناس تدعي لباباها وقالت فرصة حلوة دي ياعمرو الناس تفتكر بابا.

والحقيقة دي مش أول مرة تعلق إيمي على الشبه بين أبو حمد وباباها هي شافت فيديو انتشر لأبو حمد المدريدي، على تيك توك قبل كده وقالت إن في حد بعتلها صورة من الفيديو اللايف اللي عمله الأستاذ، وفي شبه كبير بينه وبين والدي.. ممكن يكون ظهوره ده عشان الناس تفتكر أبويا وتدعي له، ودي أكثر حاجة أسعدتني.

شبيه طلعت زكريا

أبو حمد المدريدي هو كويتي الجنسية، ويعتبر من مشاهير التيك توك، وحقق شهرة كبيرة في الوطن العربي بسبب التشابه الكبير بينه وبين الفنان الراحل طلعت زكريا.. وحمد المدريدي، مش أول شبيه للفنان طلعت زكريا، في مصر هنا عندنا شبيه اسمه العم رمضان مغربي، وده شبه الفنان طلعت زكريا لحد كبير، ومفيش فرق بين الاتنين حتى فى اللبس و”مغربي” أو “العم حاحا”

زي ما بيتقاله مضحك للأطفال بالنهار فى حضانات المدارس، وصاحب فرقة موسيقية بالليل.. وبيقول إن الشبه الكبير بينه وبين الفنان طلعت زكريا، خلى الناس متفرقش بينه وبين شخصية حاحا اللي ظهر فيها الفنان الراحل، وأكد كمان إنه مش بيقلد شخصية طلعت زكريا، عشان هو صورة طبق الأصل منه، وهو أب لتلات أطفال وبيعرف دور الأبوة دايما، وبيشقى في الحياة عشان يوفر ليهم متطلبات الحياة وبيشتغل طباخ في مطبخ وصاحب فرقة موسيقية.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى