شاركت الفنانة الكبيرة فريدة سيف النصر جمهورها ومتابعيها على شبكات التواصل الاجتماعي صورة صادمة لها، حيث أظهرت عن إصابتها بورم في وجهها.
ووفقًا لما جاء في الصورة التي نشرتها عبر حسابها على موقع التواصل الاجتماعي «فيسبوك»، فقد أظهرت تورم شديد في الوجه دون سابق إنذار أو إجرائها عمليات تجميل في الوجه أو ما شابه، وناشدت فريدة متابعيها وزملائها بالدعاء لها لتخطى محنتها.
اقرأ أيضًا
بعد إعلان خطبتها.. ديانا كرزون تشعل مواقع التواصل بهذه الإطلالة
شيري عادل تشعل مواقع التواصل بإطلالة ساحرة (صور)
وعلقت الفنانة فريدة سيف النصر على الصورة التي نشرتها قائلة: «ممكن تدعوا لي من قلبكم.. بجد أول مرة أبكى زي الأطفال.. أنا أصلًا بتحمل لكن مش قادرة.. ده مش ماكياج ده وشى بدون سابق إنذار صحيت بصوت نص الليل ودى رابع مرة يحصل لي حاجة غريبة في وشى وأكون بشتغل.. يعنى مش وقته».
وأضافت: «استغفر الله.. أحسن من غيرنا سامحني والنبي اللهم لا اعتراض.. عاملة زي الكورة الكفر عينيا مقفولة وبوءى مدلدل حتى حواجبي وارمه.. يخرب بيت كده أنا اديتكم نص الوش علشان حقيقي مش أنا.. رعب والله تغيير سريع سبحان الله والحمد لله.. مش هزار.. تحت أسنان سليمة 4 خراريج إزاى مش عارفين.. عملنا بانوراما كاملة والدكتور مستني الالتهاب يروح والورم بحقن الفنتيرن قوية وأوجمنتين.. وبعدين يقرر في إيه؟».
وتابعت في سرد الحكاية، «هو نفسه بيسأل في إيه؟.. هو أنا اللي هاعرف يا دكتور.. وطبعًا الفليكتور منيمنى على روحى لأن الألم الحمد لله ما يتحملوش إلا حد مستسلم لإرادة ربنا ويشكره.. المشكلة الشغل ومفيش وقت لا حول ولا قوة إلا بالله.. لازم يصوروا من غيرى وأنا وافقت هاعمل إيه!..؟؟».
واستطردت: «قدر الله وما شاء فعل.. حاضر حبيبى يا ربنا كل اللي تجيبه راضيه والحمد لله هو ما بيجيبش حاجة وحشة أبدًا قضا أخف من قضا لو هافدى الغاليين كلهم أنا جاهزة.. ادعوا لي.. آسفة عالصورة بس أنتم حبايبى وهاتتحملوا ده أنا لسه منزله عالصفحة لايف بالنظارة الفراشة امبارح باين طلعت فراشه ملوثة.. الآذان سلام بقى».
