الفنانة فريدة سيف النصر من الفنانات التي نضجت يعني هتختارها في أي دور ستعرف كيف تقدمه حتى لو كان الدور صغير لكنه ممكن يكون مؤثر وفيه جزء كوميدي مثل دورها في مسلسل “جعفر العمدة” مع محمد رمضان في موسم الدراما الماضي.
لكن جنب الفن كانت فريدة ليها مهنة تانية وهي في بداياتها الفنية يمكن البعض يشوفها غريبة والبعض يشوفها طريفة بس أهي حصلت، وده اللي هنتكلم عنه في التقرير ده وعلاقة المهنة دي إيه بأبناء افنانين وإزاي اللي كانت بتعمله فريدة زمان منتشر دلوقتي على السوشال ميديا.
هنة طريفة بتنتشر في الإجازات
الشعب المصري معروف بطرافته وإنه ابن نكتة زي ما بيقولوا ولو لاحظنا مثلًا في فترة من الفترات بنلاقي بنات بيكتبوا على الأكاونتات بتاعتهم في عيد الحب او في إجازة مثلًا إنهم مستعدين يقعدوا بأولاد أصحابهم وقرايبهم في البيت يراعوهم عشان الكابلز يخروجوا يتفسحو يغيروا جو ويفكوا شوية من جو العيال وزّنهم .
وده بيكون بمقابل مادي بسيط ده طبعًا ممكن ميعملوهوش أصلًا بس أهو جو طريف وتعبير عن حالة الفراغ العاطفي رغم إن في الواقع ممكن ده يحصل عادي بين الصحاب والقرايب بحكم العشرة والعيش والملح وهكذا بس إيه علاقة ده كله بالفنانة فريدة سيف النصر؟.
فريدة سيف النصر بيبي سيتر
افريدة سيف النصر كانت ضيفة في لقاء تلفزيوني وجت سيرة إنها ممكن تتجوز والكلام ده فقالت أتجوز إيه وبتاع إيه وأنا بقعد بالعيال أربيهم تقصد مين عيال القرايب في العيلة بقى بتقول إخواتي عينهم زايغة، ومقدرش أقول لماما لأ، وكانوا بيتجوزوا ويتطلقوا وأنا أربي العيال، وأنا عامة بحب العيال.
أنا بيبي سيتر ليهم وتخيلوا أنا اشتغلت بيبي سيتر لأولاد الفنانين جنب شغلي في الفن يعني كنت في المسرح الإسكندرية، وأنا الوحيدة اللي كنت بخلص المسرح وبروح على الفندق، والفنانين طبعًا كانوا عايزين يخرجوا، فيخلوا ولادهم معايا يعني ولاد محمود عبدالعزيز، ولاد الفيشاوي، مي وسارة ولاد نور الشريف، دنيا سمير غانم، اللي باباها ومامتها مكانوش يدوها لحد غير ليا وكمان المطربة شذى، وأنا كنت أقعد بكل دول.
فريدة سيف النصر ودراما رمضان
ونجحت الفنانة فريدة سيف النصر في تحقيق نجاح كبير بعد مشاركتها في مسلسل عملة نادرة، اللي اتعرض في دراما رمضان 2023، واتصدرت مشاهده تريند مواقع التواصل الاجتماعي، وضم العمل مجموعة كبيرة من أبرز الفنانين ومنهم، نيللي كريم، جمال سليمان، كمال أبو ريه، ندى موسى، مريم الخشت، جومانا مراد، هشام عاشور، وعدد آخر من الفنانين.
والمسلسل من تأليف مدحت العدل وإخراج ماندو العدل، وكمان شاركت بدور صغير في مسلسل “جعفر العندة” قالت عنه إنها مثلت فيه براحتها وكانت بترتجل كمان والمخرج محمد سامي اداها الحرية في تجسيد المشاهد اللي ظهرت فيها، رغم إنها متعرفش محمد سامي وأول مرة تشتغل معاه.
وقالتله انت الكاتب وجايبني ليه ضيفة شرف وليه مصر عليا، قالها كنت عايز حد محترم ميهزقش نفسه وتقيل، قولتله جايبني تهزقني وضحك، وضم مسلسل جعفر العمدة، نخبة من أبرز الفنانين، منهم، محمد رمضان، زينة، هالة صدقي، مي كساب، أحمد داش، منة فضالي، إيمان العاصي، أحمد داش، أحمد فهيم، جوري بكر، دعاء حكم، وهو من تأليف وإخراج محمد سامي، تأليف مهاب طارق.
