معروف عن محمد فؤاد إنه هادي وإحساسه حلو حتى في أدائه للأغاني من الممكن يجعل الناس تبكي، وفي لحظات ثانية أخانيه تخلق حالة من الرومانسية مثل أغانيه في فيلم إسماعيلية رايح جاي عندما كان يغني لحنان ترك، لكنيا ترى ما السر في إنه يجعل بسمة وهبة تبكي في البرنامج بتاعها؟
فنان عرف عنه حسه الفني وغنائه اللي بيخلي الجمهور عايش حالات كتير منها الرومانسية أو الحزن أو غيرها من الحالات، محمد فؤاد ظهر بعد فترة غياب كبيرة عن الأضواء في برنامج رامز جلال واتعمل فيه مقلب وكان بينزف بسبب العملية اللي عملها في معدته.
اعترف محمد فؤاد وفال إنه كان عارف إنه طالع مع رامز جلال، وكان مستعد جدا، واستغرب ليه ميطلعش معاه، الموضوع مش عيب ولا حرام، يمكن مكنش يعرف تفاصيل المقلب إيه لكنهم كانوا صريحيين معاه من البداية.
محمد فؤاد وعمر كمال
الفنان محمد فؤاد قال إن مش هو اللي طلع عمر كمال لسوق الفن، وإن مش هو اللي احتضنه ولا نمى موهبته، لكن الناس فهمت التصريح ده غلط، وقالوا إن عمر كمال مش عاجب محمد فؤاد، واعتبرو إن التصريح ده فيه إهانة كبيرة للفن.
لكن عمر كمال مسابش مجال للكلام، وطلع قال إن محمد فؤاد فعلا معاه حق، وإن كلامه مفيهوش أى إساءة ولا تقليل منه، مش بس كده ده عمر كمال قال أنا نجحت لوحدي ومن غير أي تدخل، وكتر خيره الفنان مش عاوز ينسب أي نجاح لنفسه، وكمل عمر كمال وقال إنه هيفضل طول عمره يحب محمد فؤاد، كفاية إنه عاش قصة حبه وحالات حزنه على أغانيه.
كمان عمر كمال قال عن محمد فؤاد إنه السبب في رزقه، وإن أول أغنية في حياته غناها كانت لمحمد فؤاد، ووقتها الناس أعجبوا بصوته جدا، وكان أول أجر ياخده بسبب الأغنية دي، مش بس كده ده قال إن من 17 سنة كان جاي عشان بس يغني مقطع في أغنية لمحمد فؤاد، لكنه حقق حلمه ووقف يغني في حفلة مع محمد فؤاد، عشان يرد عليه فؤش ويقوله أنا فرحان بيك، وانت ابني بجد مش مجرد كلام.
محمد هنيدي في عيون محمد فؤاد
بعد فيلم إسماعيلية رايح جاي حصل خلاف بين الفنان محمد فؤاد والفنان محمد هنيدي، والأزمة كبرت لدرجة إن فؤاد قال إن ندمان عشان ساعد هنيدي، مش بس كده ده قال إنه خسر فلوس كتير وأجل شغل كتير وراه، والناس كانت رايحة عشان تتفرج على فؤاد، واكتشفوا صدفة وجود هنيدي، كمان محمد فؤاد كان خايف إنه يدخل فيلم جديد وينجح والنجاح ده يدايق حد.
الفنان محمد هنيدي رد على تصريحات فؤش وقال إن مفيش أي خلاف بينهم، وإنه مش عارف إيه اللي حصل غير إنه اشتغل معاه ونجح بسببه الفيلم ده، ومحدش يقول إن هنيدي أو فؤاد سبب النجاح، ربنا هو السبب، ودايما كنا بنقعد مع بعض بعد أي تصريح، لكن بعد كده الاقيه اتكلم في حقي وحش ومعرفش ليه.
محمد فؤاد خلى بسمة وهبة تعيط
الإعلامية بسمة وهبة طلبت من الفنان محمد فؤاد يغني أغنية “طمني عليك”، ولكنه لما غناها فكرتها بحاجات كتير جواها وخصوصا أولادها، عشان كده بسمة وهبة عيطت لدرجة إنها طلبت توقف تصوير وتكمل تسجيل وقت تاني، لكن فؤاد طمنها بأغنية تانية.
