من منا لا يتذكرفيلم همام في امستردام،والضجةالكبيرةالتيأحدثها عندعرضه، حيث يعد هذا الفيلمنقطة تحول في تاريخ كل أبطاله، فهل تتذكرون بولا التي كانت تجسددور صديقة الفنان احمد السقا في الفيلم، أين أختفت وماذا تفعل؟ هذا ما ينتعرف عليه من خلال التقرير التالي:
في فترة التسعينات اتعملت اهم الافلام ، واللي بتعتبر نقلة في تاريخ كل الجيل ده، وكانت في افلام مميزة زي اسماعيلية رايح جاي، وصعيدي في الجامعة الامريكية، و همام في امستردام ، وده اللي هنتكلم عنه النهاردة
همام في امستردام اتعرض في سنة ١٩٩٩و هو من بطولة محمد هنيدي و أحمد السقا و موناليزا و رحاب الجمل و نجوم تانية كتير ،و قصته كانت عبارة عن همام شاب متوسط الحال .
و اللي بيحاول انه يشتغل في مصر علشان يتجوز .. لكن ميعرفش و يسافر امستردام .. و تبدأ بقى رحلة المتاعب هناك،وكان من ضمن اصحابه اللي عرفهم في امستردام أحمد السقا و صديقته استر ليندر او اللي قامت بشخصية بولا،و اللي كانت السبب الخلاف بين ادريانو “السقا” و صاحبه سيد “صبري سعد” علشان حاول يعاكسها بطريقة أوڤر شوية .
المهم ان استر كانت مميزة في الفيلم جدا/ وناس كتير كانوا بيشوفوا الفيلم علشانها، اصلها كانت فكرة جديدة مدخل ممثلة اجنبية في فيلم عربي مصري، طيب هي مين و راحت فين.
استر هي ممثلة هولاندية،بدأت مشوارها الفني سنة ١٩٩٦.. و شاركت في كذا مسلسل و فيلمين وفي سنة ١٩٩٩ شاركت في فيلم همام في امستردام ..
بس بعد الفيلم ده مقدمتش حاجة تاني يعني مشاركتها في المسلسلات بقت قليلة جدا لحد ما بعدت تماما عن الفن
ومن سنتين نزلت صور ليها وهي حاضنة حيوانات وناس كتير رجحت انها تفرغت لرعاية الحيوانات بس الملاحظ في الصور ان شكلها ما اتغيرش .
يعني من بعد اكتر من ٢٠ سنة شكلها بقى اصغر زي عمرو دياب عندنا كده مهما كبرت هي صغيرة .وده اللي لقيناه هنيدي بيقوله بردو عن نفسه بعد ما نزلت صور استر، نزل هو كمان صورته و كتب مش بولا لوحدها اللي مش بتصغر ديه حاجة عرفنها يا هنيدي مهما كبرت انت زي ما انت .
المهم ان هنيدي بردو عمل مينشن ل احمد السقا و قال مش يلا بينا .. وطبعا بعد التعليق ده ناس كتير قالوا هيعملوا جزء تاني ولا ايه خصوصا بردو ان كان في كلام على فيلم صعيدي في الجامعة الامريكية ان هيتعمل جزء تاني منه .. بس لسه مفيش تنفيذ ..
وانتو كمان شاركونا باقتراحتكوا تحبوا تعرفوا اخبار ممثلين مين تاني .
