الفنان محمد محيي عمل أغاني كثيرة حزينة ورومانسية لكن الجمهور عرفه بإنه نجم الأغاني الحزينة،لكن لماذا قال أن شيرين عبد الوهاب ستقدر تعدي الأزمة التي هي فيها؟، أسرار كثيرة سنعرفها من خلال التقرير التالي:
أغانيه في كتير من الناس بيصنفوها إنها حزينة، وده عشان محمد محيي الناس لما سمعت أغنية قادر وتعملها قالوا إنها من أجمل الأغاني الحزينة وكمان هو أحسن مطرب في الأغاني الحزينة.
محمد محيي مطرب الأغاني الحزينة
الفنان محمد محيي قال إنه مش عارف إيه سبب إن الجمهور بيصنفه إن مطرب الأغاني الحزينة، مش بس كده ده قال إن إذاعة نجوم إف إم بدأت في 2013 إذاعة أغنيته قادر وتعملها اللي كان متعاون فيها مع نصر محروس.
مش بس كده ده كمان قال إن لما نصر محروس عرضها عليه كان خايف إنها ممكن تكون سبب في إنها تخلي الجمهور ميسمعش باقي الألبوم، المهم إنها لما نزلت عملت ضجة كبيرة والجمهور قال إنها من أحسن الأغاني الحزينة وهو مطرب الأغاني الحزينة.
حلقة محمد محيي مع رامز جلال
المطرب محمد محيي قال إن حلقته مع رامز جلال كانت مش حلوة منه لأنه كان متوتر جدا، مش بس كده ده قال كمان إنه اتعامل مع رامز بعنف جدا في الحلقة واعتذر له بعدها، بس الأهم بقى إنه ضاف إن عمره ما هيروح البرنامج تاني بسبب اللي حصل فيه في الحلقة.
تناول محمد محيي للمهدئات والمنوم
محيي كمان قال إنه في بداية سنة 2000 اتعرض لضغوط كتير بسبب مشاكل خاصة وعشان كده خد مهدئات ومنوم عشان يقدر يواجه الأزمة النفسية اللي اتعرضها، الأهم بقى إنه لما كان بياخد الأقراص المهدئة دي كانت بتزود له الأزمة النفسية اللي كانت عنده.
علاقة أزمة محمد محيي بشيرين عبد الوهاب
الأزمة النفسية بقى اللي اتعرض ليها محيي يعتب هي كانت الوصلة مع الفنانة شيرين عبد الوهاب اللي قال عنها إن شيرين هتقدر تعدي أزمتها، مش بس كده أنا عشان عديت بالأزمة النفسية زي بتاعت شيرين فمتأكد من إنها هتقدر تعديها عشان برضوا حسام حبيب واقف جنبها.
رأي محمد محيي في إعلان محمد منير
كمان محمد محيي أتكلم عن إعلان محمد منير عن السمنة، وقال إن منير أستاذ كبير واحنا اتربينا على أغانيه وجرأته، مش بس كده ده حتى لو هو بيغني بكار بيغنيها بشكل حلو جدا ممكن مفيش حد زيه يقدر يقدمها كده.
الأهم بقى إن محيي شايف إن فنان زي منير مينفعش إنه يعمل إعلان زي بتاع السمنة ده، بس بردوا هو شايف إن لكل فنان ظروفه وحياته الشخصية فعشان كده هو ممكن يكون بيعمل ده عشان حاجة شخصية عنده.
مشكلة بهاء سلطان مع نصر محروس
لما جه محمد محيي يتكلم عن أزمة نصر محروس والفنان بهاء سلطان قال إن المفروض إن كان نصر محروس هو اللي يحتوي المشكلة لأنه هو اللي عنده خبرة أكتير وبقاله كتير في المجال، بس مين اللي غلط أو مين اللي لم المشكلة فده كان المفروض إن نصر يبعد عن الحاجات الصغيرة دي ويلم المشلكة في أولها.
