مفاجآت عن اللحظات الأخيرة فى رحيل مصطفى درويش وحكاية حسنته المخفية!

الكل تفاجئ ويسأل كان تعبان وأم رحيله مفاجئ؟ ..من الصدمة الناس لا تصدق الأمر..الوسط الفنى فجأة إنقلب ،السوشيال ميديا بقيت دفتر عزا..

وبعد ما كان هو سبب ضحكتهم وخاصة فى رمضان لما شارك فى مسلسل كامل العدد ..وخفة دمه وروحه الحلوة بانت فى كل أدواره! كان السبب فى حزنهم بردوا .. إيه اللى حصل لـ مصطفى درويش كان السبب فى رحيه وهو لسه فى عز شبابه! اخوه يكشف تفاصيل اللحظات الأخيرة فى مصطفى درويش !

بنصحيه الصبح مصحيش..ده كان رد هانى درويش أخو الفنان مصطفى درويش عن اللى حصله ..مصطفى عضلة قلبه وقفت وهو نايم ..وده بردوا اللى أكدته الفنانة نهال عنبر فى تصريحاتها لموقع مصراوى ..

هاني لما أعلن عن رحليه على حسابه الشخصى على فيسبوك ، وكتب :” البقاء لله ، توفى إلى رحمة الله تعالى شيقيق مصطفى درويش..”
محدش كان مصدق والكل كان نفسه يطلع شائعات زى ما كل الفنانين بيرحلوا فى اليوم أكتر من مرة ..لكن للأسف طلع حقيقة ورحل مصطفى درويش صاحب الطلة المبهجة المميزة ..اللى قدر فى وقت قليل جدا ياخد جزء وحتة لوحده فى قلوب كل الجمهور!

أخر حاجة كتبها مصطفى من 6 ساعات بالظبط قبل ما ينام على صفحته الشخصية وقال هو أنا بس اللى مبقتش عارف أنام؟ أديك نمت يا مصطفى نمت وإرتحت خالص!

ودى كانت من الحاجات اللى أثرت في الجمهور جدا وقالوا ..كإنه كان حاسس بحاجة ..أكيد كان حاسس إنه هيفارق الحياة ..حقيقى من أصعب الرحيل هو الرحيل المفاجئ يعنى لا تعبان ولا حصله أزمة قلبية قبل كده بالعكس كان كله حيوية وروح حلوة والأهم إنه فى عز شباب.. مصطفى كان عنده 43 سنة!

واللى أكد للناس أكتر إنه شير بوست تحت عنوان”إنهاء الماضى ب 10 جنيه “علق بخفة دمه وقال هاتلى ب500 لو سمحت .. كان عايز ينهى ماضيه وأهو حياته كلها إنتهت!

الإنسان لما بيرحل اللى بتفضل سيرته وسمعته الطيبة ..وكل الخير اللى عمله..علشان كده بعد رحيله مباشرة نشر الإعلامى “محمد الباز على صفحته الشخصية “منشور بيقول فيه عن مصطفى درويش الإنسان وعن الخير اللى كان بيعمله وقال:

مصطفى مكنش جدع… مصطفى كان المجدعة نفسها.كنت عارف إنه ومجموعة من أصدقاءه واخدين شقة عشان يجمعوا فيها مساهمات من أهل الخير فلوس وأكل وهدوم، وكان بيدور بنفسه على المحتاجين عشان يساعدهم ويقف معاهم.
كان بيبقى فرحان بمساعدة الناس أكتر من أى عمل فنى جديد: هو ده يا دكتور اللى هيبقى.
سألته مرة عن حكاية شقة الخير، قال لى وحياتك بلاش كلام فيها يا أخى، دى الحسنة المخفية اللى عايزين نقابل بها ربنا، بلاش تضيع الثواب…الخسارة فيك كبيرة يا مصطفى … ربنا يجازيك خير بكل الخير اللى عملته.

رغم إنه شارك فى حوالى 3 أعمال فنيه فى رمضان اللى فاتت وأدواره كانت مختلفة وقدر يكسر الدنيا ..إلا إنه ملحقش..لا يفرح باللى عمله ولا اللى لسه هيعمله! مصطفى كان لسه مخلص تصوير فيلمين : فيلم “5 جولات” بطولة الفنان الشاب نور النبوى والفنان آدم الشرقاوى وماجد المصرى،و فيلم “شماريخ” مع آسر ياسين.

مصطفى درويش قدم حوالى 20 عمل درامى ..ولكن أتعرف أكتر وبقى قريب من الجمهور فى مسلسل ب 100 وش..ربنا يرحم الفنان “مصطفى درويش ويصبر أهله ومحبيه وزمايله اللى قربوا منه أكتر فى الأعمال الفنية وعرفوه ..