حلت ريم طارق، طليقة مطرب المهرجانات حسن شاكوش، ضيفة الساعات الماضية، مع الإعلامية بسمة وهبة للحديث عن أزمتها الأخيرة مع شاكوش.
وقالت ريم طارق: ” حسن شاكوش دبر لي المكيدة من أول يوم زواج وكتب في القسيمة إني بكر رشيد عشان لما أتكلم يحبسني.”
طليقة حسن شاكوش تنهار من البكاء على الهواء
وتابعت باكية: “حسن شاكوش خدعني لتالت مرة وفضحني وجرسني وشهّر بيّ واتكلم عني وقال إني مصابة بأمراض وداس على كرامتي.”
وأكملت: ” عملت فيديو اتكلمت فيه عن حسن شاكوش حلو من ورا أهلي عشان الموضوع يخلص، أهل الخير اللى تدخلو يحلو الأزمة وقعوا بينا.”
وأضافت: ” متنزلتش عن القضايا اللى رفعته عليه، حقوقي هي المؤخر والقايمة وأغراضي الشخصية مثل الملابس، المؤخر بتاعي 300 ألف جنيه، القائمة بـ200 ألف جنيه، و100 ألف جنيه ذهب.”
وفي وقت سابق، نشرت ريم طارق طليقة حسن شاكوش، مقطع فيديو قصيرا لها عبر ستوري حسابها الخاص بتطبيق “إنستجرام”، وجهت من خلاله رسالة للإعلامية رضوى الشربيني.
وقالت طليقة حسن شاكوش، في مقطع الفيديو، لـ رضوى الشربيني: «أنا عاملة الفيديو دوت علشان أوضح الفيديو اللي انتشر على السوشيال ميديا إن أنا خدت حقوقي وكده.. أنا كان إجباري عليا إن أنا أعمل الفيديو عشان آخد حاجتي.. وبعد ما أخدتها الفيديو نزل وكان لسه المفروض لما المشكلة تخلص الفيديوهات تنزل».
وتابعت طليقة حسن شاكوش: «بس هرجع وأقول ما فيش صلح حصل وكل اللي حصل كان فيلم ولعبة علشان السوشيال ميديا والإعلاميين يهاجموني، أستاذة رضوى إنتي ما تعرفيش أنا اتعرضت لإيه عشان أعمل الفيديو ده.. وأنا كل حاجة اتكلمت فيها قبل كده كانت بدليل.. وكل حاجة معايا أقسم بالله أقسم بالله كل دليل معايا.. وأنا قلت الصلح خير بس من الواضح إن الطرف التاني مش حابب ده».
