أشياء كثيرة تتغير في الدنيا وفيه ثوابت لا تتغير أبدا، ومن أهم الثوابت في حياة كريستيانو رونالدو هي أمه، المرأة الوحيدة التي قدرت أن تظل موجودة رغم مرور السنين، يرتبط ينجب ينجح يكبر في السن، وهي دائما خافه في كل مكان حتى في السعودية.
والدة كريستيانو رونالدو وصلت الرياض من يومين.. وكلت الجو من جورجينا خالص.. ظهرت في كل مكان.. وزارت كل الأماكن.. كإنها بتقول أنا الأولى والأخيرة في حياة الدون
نشرة والدة كريستيانو رنالدو.. ماريا.. صور ليها على انستجرام، مع ابنه جونيور ظهر فيها بالزي السعودي.. وكانت حريصة على التواجد في ملعب مرسول بارك لمتابعة مباراة النصر والتعاون
الحقيقة إن عيلة كريستيانو رونالدو مستمتعة بوقتها جدا في السعودية.. من ساعة ما سافر مع ولاده وحبيبته جورجينا روديجيز.. وهما بيزوروا كل الأماكن.. والموديل الشهيرة مقضياها شوبينج في المولات
ورغم العلاقة القوية بين ماريا دولوريس وجورجينا.. إلا إنها من ساعة ما ظهرت في السعودية.. ومنزلتش أي صور هي فيها.. ولا جورجينا كانت حريصة إنها تستقبلها وترحب بيها في بيتهم الجديد
والدة رونالدو كانت كلمة السر في كل علاقاته السابقة.. من أول والدة جونيور المجهولة اللي لحد دلوقتي هي عرفاها ورافضة تعلن عن اسمها.. وقررت إنها تربيه لوحدها عشان يطلع نسخة تانية من أبوه .. لغاية ما ظهرت جورجينا وبدأت تسحبه منها واحدة واحدة
لحد إيرينا شايك الموديل الروسية الشهيرة اللي ارتبطت بالدون.. وكانت علاقتهم غريبة جدا ودايما كل أخبارها متصدرة عناوين الصحف والمواقف.. وفي الآخر مكملتش برضه لإن والدته مكنتش موافقة على إنه يرتبط رسمي بأي واحدة مش لاتينية
زيارة والدة كريستيانو للسعودية دلوقتي هدفها الأول هو الاحتفال بعيد ميلاد ابنه جونيور.. اللي زي ما قلنا بتعتبره ابنها طبعا.. ومتولية رعايته طول عمره لغاية ما كبر وقرب يبقى نجم كورة عالمي منتظر
رونالدو واجه صعوبة كبيرة من أول ما وصل للسعودية.. غياب عن التهديف.. خسارة مباريات مع فريقه.. ومطالبات من جمهور نادي النصر بالاستغناء عنه
لغاية ما قدر يتاقلم ويرجع تاني للفورمة وساهم في إعادة الفريق للصدارة بعد الفوز في مباراة نادي الاتحاد .. وبقى مقضيها بقى هاتريك وأجوال عالمية.. وخد الدوري السعودي في حتة تانية خالص
لكن جورجينا من أول يوم وهي متأقلمة.. هي الحياة بالنسبة لها بسيطة.. بيت كبير ومترتبط بأفخم وأغلى الديكورات الممكنة.. العيال وأبوهم حواليها طول الوقت.. شوبينج ومجوهرات وهدايا من أغلى الماركات.. وفي الآخر مطلوبة لسه في عالم الموديلينج.. ولسه انستجرام عندها بيزيد عليه عدد الفولورز بالآلاف يوميا.
