فن و مشاهير

السقا وبركات ونور..تعرف على أبرز ضيوف الشرف بمسلسل الكبير أوي الموسم السابع

يستعد النجم أحمد مكي لظهور الموسم السابع من مسلسل «الكبير»، وهو العمل الذي قدر يحقق نجاحات كبير خلال المواسم التي قدمها، والتي بحاول يطور فيها كل سنة حسب الأحداث الجديدة على الساحة، وكل فترة ينضم شخصيات جديدة لفريق العمل، مثلما يخرج أيضا بعض الشخصيات من المسلسل، سواء لارتباطهم بأعمال ثانية، أو تغييرات في السيناريو.

السنة اللي فاتت زي ما شفنا في الكبير الموسم السادس، ظهرت الفنانة رحمة أحمد في دور مربوحة، وكمان ظهر مجموعة من النجوم الشباب زي الفنان حاتم صلاح في دور نفادي، والفنان مصطفى غريب في دور العترة، والفنان عبدالرحمن حسن ظاظا في دور طبازة، وغيرهم، واللي قدروا إنهم يعملوا حالة فنية مميزة.

وزي ما بيكون في ممثلين جداد بينضموا لفريق العمل، من المعتاد على الفنان أحمد مكي كمان، إنه يستعين بأصدقائه النجوم في الوسط الفني كضيوف شرف، عشان يقدموا مشاهد بسيطة ولكن مميزة في العمل.

وفي الموسم السادس استعان أحمد مكي بعدد من النجوم عشان يكونوا ضيوف شرف، زي الفانة شيرين رضا، وإياد نصار، وأحمد سعد، وفتحي عبدالوهاب، ومحمد ممدوح، وهنادي مهنا، وأوس أوس، وحمدي الميرغني، وسليمان عيد، وأسماء جلال، وغيرهم وغيرهم، ودول معظمهم ظهروا في مهرجان المزرايطة.

الموسم ده كمان أحمد مكي قرر إن هو يستعين بعدد من النجوم وبعضهم ظهر في البرومو التشويقي بتاع المسلسل، وبعضهم كمان عرفنا إنهم هينضموا للعمل، ووكمان قرر إن يكون في بعض لاعبي الكورة في بعض المشاهد، وده طبعا بعد رجوع شخصية حزلقوم، واللي هيعمل نادي وهيسميه «نادي المزاريطة fc».

من بين نجوم الشرف اللي ظهروا في البرومو التشويقي للموسم السابع، واللي كان عبارة عن أغنية اسمها «ولعانة» كان الفنان أحمد السقا، بيظهر في إسطبل الخيول بتاعه، واللي يمكن ظهوره خلا الجمهور يقلق عليه ويفتكر إن هو تعبان أو حاجة، ولكن النجم نفى الكلام ده، وقال إن هو زي الفل.

كمان بتظهر الفنانة اللبنانية نور، كضيفة شرف في الموسم السابع من المسلسل، وبتقوم بدور طبيبة نفسية.عندنا كمان هيظهر الفنان كمال أبو رية اللى هيلعب دور جوز «الكبيرة فحت» ودي الشخصية اللي بتقدمها الفنانة سماء إبراهيم.

ومن بين ضيوف الشرف كمان الفنانة عفاف مصطفى بدور «صالحة»، وطبعا ظهور كمان للفنان المتميز محمد محمود.

إلى جانب نجوم الفن، هيستعين أحمد مكي في العمل الموسم الجديد بعدد من نجوم الكورة، وده واضح طبعا إنه هيكون ليه علاقة بنادي المزرايطة اللي هيعمله حزلقوم، وغالبا هيكون ظهورهم بشخصياتهم الحقيقة.

ومن بين النجوم اللي تم الكشف عنهم حسب بعض المواقع لحد دلوقتي، هيكون حارس المرمى السابق محمد عبد المنصف، ونجم منتخب مصر السابق محمد ناجي جدو، إلى جانب نجم المنتخب والنادي الأهلى سابقا سيد معوض ووالنجم الكبير محمد زيدان ونجم الكرة المصرية محمد بركات.

طبعا بجانب الأسماء اللي ذكرنها، هيكون في نهاية الحلقات مهرجان المزرايطة، وهيتم إقامة الدورة التانية للمهرجان، ودي بالتأكيد هيكون فيها عدد كبير من ضيوف الشرف.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى