المطربة شيرين عبدالوهاب وزوجها المطرب حسام حبيبب يقضوا الصيف في الساحل،لكن الأغرب الشكل الجديد التي ظهرت به شيرين ؟ حقيقي لن تصدقوا شكلها ووزنها ولبسها كيف أصبحوا؟، لا أحد يعرف كيف شيرين فقدت وزنها بهذا الكل وأصبح لبسها مناسب لشكل جسمها.
كل دي تفاصيل جديدة في حياة شيرين اللي كمان شغالة على ألبوم جديد هتفاجئ بيه الجمهور الفترة الجاية يلا بينا عشان أقولكم على كل اللي حصل في التقرير التالي:
واضح كده إن شيرين ناوية تتغير وتبقى واحدة تانية غير اللي الجمهور يعرفها بالذات إنها في الفترة الأخيرة كان شكل جسمها مش مظبوط وتخنت جامد جدًا والجمهور بقى يتريق على لبسها ويمكن التنمر اللي اتعرضت ليه هو خلاها تاخد بالها وتتغير شويتين عشان في قرار جديد في حياتها خدته ولما تنفذه هيكون مفاجأة للجمهور اللي مستني يشوف نجمة كبيرة بقيمتها ترجع تاني زي الأول وأحسن.
إيه اللي بيحصل في الساحل؟
شيرين عبدالوهاب وحسام حبيب قرروا يكونوا من المشاهير اللي بيشاركوا في المليطة اللي بتحصل في الساحل وطلعوا يخربوها هناك خروجات وسهر وصرف فلوس وحضور حفلات ودنيا تانية خالص.. وطبعًا كلنا عارفين الساحل واللي بيحصل فيه وقت الصيف.
شيرين وحسام قرروا يعملوا كده عشان واخدين أجازة من الشغل ووجع القلب وكام يوم كده ويرجعوا تاني عشان يشوفوا الشغل المتلت اللي وراهم.. لكن شيرين ظهرت في صور فاجئت بيها الكل ومكانوش مصدقين إن دي شيرين بتاعة من كام شهر اللي قالوا عليها دي بقت بطيخة من الركنة في البيت.
شكل وجسم ميتصدقش
شيرين عبدالوهاب ظهرت بشكل وجسم الناس اتصدمت منه فعلًا والصراحة معاهم حق.. تبصوا في وشها تلاقوه مش منفوخ زي ما كان والجسم بقى متناسق شويتين.
وكمان اللبس بتاعها أحلى وهي كانت لابسة فستان أسود ولايق على جو الصيف وكان بـCut Out عند بطنها.. طبعًا هو مش فقدان وزن بشكل كامل لكن كبداية برافو يا شيرين.
والجمهور شافوا الصورة وقالوا إنهم فرحانين باهتمامها بجسمها وإنها بدأت تخس وقالوا عقبال ما تبقى شيرين المطربة اللي نعرفها وترجع تعمل الأغاني اللي كلنا بنحبها منها عشان هي صوت مينفعش يبطل ولا يختفي وقت طويل.
قرار شيرين مفاجأة
شيرين عبدالوهاب خدت قرار مفاجئ في حياتها ويمكن محدش يعرف إيه اللي هتعمله وإيه هو القرار ده بس هقولكم إنها قررت تتعمل أغاني وحفلات كتير ومش هتغيب عن الجمهور تاني مهما حصل وهترجع شيرين بتاعة زمان المهتمة بلبسها وشغلها وفنها.
وده بسبب الجدل اللي بيحصل حوالين لقب صوت مصر وهي شايف إن الموضوع بدأ يهرب منها ويروح في حتة تانية وإن المطربة أنغام بتنافسها عليه ورغم إن أنغام كمان مريحة شويتين الفترة دي بس جماهيريتها كبيرة.. وشيرين اللي بردوا ليها جمهور كبير مش بس في مصر ده في الوطن العربي كله لكن هي هتثبت ده بفنها وشغلها الفترة الجاية عشان الاختفاء مش في صالحها.
تحضيرات من نار
شوفنا الفترة اللي فاتت شيرين عبدالوهاب عملت أكتر من حفلة وحضرها جمهور كبير.. لكن هي الفترة الجاية مش بس هتكتفي بالحفلات لأ دي كمان عندها تحضيرات من نار على أليوم مع روتانا هتعمل فيه 8 أغاني.. قالت إنها خلصت 4 أغاني منهم وبقوا جاهزين ينزلوا أغنية ورا التانية وكمان الـ4 التانيين هيتنزلوا جزء تاني يعني الألبوم على مرتين.. طبعًا بنتمنى التوفيق لشيرين عبدالوهاب ويارب ترجع لفنها وجمهور بشكل أفضل من الأول.
