علق الفنان تامر حسني على فيديو لـ أحد الأشخاص عبر موقع الصور والفيديوهات إنستجرام، يتحدث فيه عن أرباح فيلم تاج.
وكتب تامر حسني: “يا عم انت براحه، الأرقام ديه مش باخدها أنا خالص ولا أي فنان، ديه في السينما بتتوزع نصها على السينمات، ونصها على الموزعين اللي هما كتير أوي، والمنتجين اللي هما 4 شركات، الفنان بياخد أجره وملهوش دعوة بالأرقام ديه.”
تامر حسني يفجر مفاجأة عن أرباح فيلم تاج
وتابع: ” أما في الحفلات الأرقام الكبيرة مش سعر تذكرة واحدة، ده سعر مكان خاص يساع أفراد كتير بيبقوا يا عيلة كبيرة، يا رجال أعمال، يا أصحاب كتاب، يا شركة راعية، بس حبيت أوضح الله يبارك فيك يا حبيبي.”
واقترب فيلم تاج من تحقيق 30 مليون جنيه في دور العرض المصرية، حيث حصد حتى الآن 29،403،369 جنيه، منذ طرحه في موسم عيد الأضحى الماضي.
ومن المقرر أن يحيي الفنان تامر حسني حفلًا جماهيريًا بمدينة العلمين، يوم 21 يوليو.
وجاءت أسعار التذاكر كالآتي: الفئة الأولى: 75000 جنيه، الفئة الثانية: 21000 جنيه، الفئة الثالثة: 800 جنيه، الفئة الرابعة: 700 جنيه، الفئة الخامسة: 400 جنيه، الفئة السادسة: 300 جنيه.
