تفاصيل مقلقة عن الحالة الصحية للمستشار مرتضى منصور فى الحبس لدرجة جعلتهم ينقلوه على المستشفى بأقصى سرعة.
فجأة ومرة واحدة دقات القلب زادت وارتفاع مفاجئ فى ضغط الدم مع صعوبة في التنفس، ده جزء من اللى حصل للمستشار مرتضى منصور خلال الساعات الأخيرة فى الحبس.
ايه اللى بيحصل مع المستشار مرتضى منصور في الحبس؟ وإيه اللي وصلوا لكده؟.. كل ده واكتر هنعرفه مع بعض فى التقرير التالي:
خلال الساعات اللى فاتت كشف موقع القاهرة ٢٤ عن مصادر خاصه مقربة من المستشار مرتضى منصور تفاصيل حالته الصحية في الحبس بعد ما تدهورت بشكل كبير.
المصدر قال إن الحالة صحياً سيئه جدا وفيها مشاكل كان ممكن تودى المستشار ورا الشمس لولا أنهم انقذوه فى الآخر قبل أن تتطور حالته الصحية وتسوء.
موقع القاهرة 24 بينقل تفاصيل التقرير الطبي الخاص بالحالة الصحية للمستشار مرتضى منصور، عقب تدهورها في الأيام الأخيرة، بعد قرار محكمة النقض بتأييد حبسه لمدة شهر لاتهامه بسب الكابتن محمود الخطيب رئيس النادي الأهلي
مصدر ليهم بيقول إن التقرير الطبي الصادر من مستشفى حبس وادي النطرون أفاد بمعاناة المستشار مرتضى منصور من ارتفاع في ضغط الدم، وتسارع في دقات القلب، صاحبه صعوبة في التنفس، الأمر الذي دعا القائمين على إدارة السجن لنقله للمستشفى؛ لتقديم الرعاية الطبية اللازمة، لدرجة أن الناس على السوشيال ميديا اللى سمعت الخبر قالت إن دى الساعات الأخيرة في حياة المستشار مرتضى منصور.
ووضح المصدر بتاع الموقع الخبرى أن أحمد مرتضى منصور، إبن المستشار مرتضى منصور الكبير، زاره من ٣ أيام داخل مستشفى حبس وادي النطرون، للاطمئنان على حالته الصحية، عقب علمه بتدهورها في الفترة الأخيرة.
وعن تفاصيل اللقاء اللى دار بين المستشار مرتضى منصور وابنه الكبير أحمد، وضح المصدر إلى أن رئيس نادي الزمالك، طمن احمد على استقرار حالته الصحية بشكل كبير، وتلقيه العلاج اللازم والرعاية المطلوبة.
الغريب بقى انه بيقول أن المستشار مرتضى منصور ماظهرش عليه أي علامات غضب ولا ضيقه ولا حتى عصبيه، اللى هى أصلا معروفة عن المستشار مرتضى منصور، وتعد واحدة من صفاته الشهيره، بس ازاى هوا بيقول انه مش متعصب ولا حزين من وجوده داخل مستشفى حبس وادي النطرون، ده اللى مش عارفينه.
لكن اللى نعرفه هو الميعاد اللى الناس تقدر تشوف فيه المستشار مرتضى منصور تانى وتتطمن بنفسها على صحته.
الميعاد بالظبط ولو حسبنا من أول يوم حبس ليه، من المقرر أن ينتهي مرتضي منصور من قضاء مدة ال 30 يوم اللى عليه ويكون موعد خروجه من الحبس هو 5 رمضان اللى جاى، يعنى تقريبا كده 28 مارس من الشهر الحالي، ده الأيام بتجرى والله.
السؤال هنا دلوقتي، هل المستشار مرتضى منصور لما يطلع من الحبس في شهر رمضان، هل هيستغل المستشار الشهر المبارك ده ويقلل من عصبيته ونرفزته شويه، ولا هيواصل في أسلوبه وطريقته واللى بسببها دخل الحبس بعد ماجاب في سيرة الخطيب.
