سواء معك بطاقة تموين أو لا فـ أكيد فرحت عندما سمعت إعلان الحكومى ببيع العيش بسعر التكلفة لكل من لا يمتلك بطاقة تموين عن طريق كارت ذكي هيتصرف من هيئة البريد.
لكن هيئة البريد صدمت الناس وقالت تصريح مفاجىء وغريب عن صرف كروت العيش الجديدة، خليكوا معانا في الفيديوا ده عشان تعرفوا إيه هو التصريح، وهل كدة الحكومة رجعت فكلامها؟
كل اللي مش معاه بطاقة تموين بدأ يسأل الأيام دي عن الكارت الجديد اللي اعلنت عنه وزارة التموين، وقالت إنها هتوفره للناس اللي معهمش بطايق عشان يصرفوا عيش بلدي بسعر التكلفة بس، وبكدة مش هيحتاجوا يشتروا العيش السياحي واللي تمنه بقى معدي دلوقتي 2 جنيه و3 جنيه للرغيف الواحد حسب حجمه.
والقرار ده أخدته الحكومه عشان تمنع جشع التجار وده لأن سعر العيش السياحي ممكن يكون مغالى في ثمنه، والحكومة هتبيع الرغيف البلدي أرخص من السياحي، وبكدة هتضرب عصفورين بحجر واحد، وهي إنها تدعم المواطن من الغلاء وكمان تمنع احتكار التجار.
وفي تصريحات لـ حاتم الصولي، المتحدث بأسم الهيئة القومية بالبريد، قال أنه أي مواطن يقدر يحصل على بطاقة الخصم المباشر، للاستفادة منها في صرف الخبز.
ووضح إنه مش هيكون في بطاقة جديدة لصرف العيش من المخابز البلدية، لكن أي شخص عنده حساب في هيئة البريد أو بطاقة فيزا الخصم المباشر أو بطاقة الدفع المسبق من البريد، هيقدر يشتري رغيف الخبز التمويني زي اللي معاه بطاقة التموين بظبط.
قال كمان إنها هتكون زي عملية مشتريات ومتفعله على منظومة التموين بالسعر اللي هتحددة وزارة التموين.
وكل مواطن مش معاه بطاقة تموين يقدر يفتح حساب في اي فرع من فروع البريد أو يطلب الحصول على بطاقة خصم مباشر، أو دفع مسبق من البريد، والقرار ده هينطبق على بطاقة ميزة وكل أنواع البطاقات المدفوعة.
وطبعا أكد إنه هيكون في تنسيق كامل بين وزارة التموين والاتصالات بالتعاون مع هيئة البريد للكشف عن كل التفاصيل الجديدة للمواطنين.
طيب إمتى معاد التنفيذ؟
حسب تصريحات المتحدث بأسم الهيئة القومية بالبريد ، قال إنه بمجرد ما ينتهوا من التجارب الأولية للمظومة الجديدة هيحدووا معاد الإطلاق الفعلي وآلية عمل البطاقة وأليه التنفيذ، واللي متوقع تكون في حدود أيام.
الجميل كمان إن وزير التموين الدكتور على مصيلحي قال إن العيش اللي هيتباع اللمواطنين اللي مش معاهم بطايق تموين هيكون بنفس مواصفات العيش البلدي المدعم ولكن هيكون بسعر التكلفة .
دلوقتي قولنا رأيك في منظومة العيش الجديدة لكل اللي مش معاه بطاقة تموين، وهل انت شايف إن الدعم ده كافي لمواجهة غلاء الأسعار؟
