ربنا يسترها على شيكابالا، نجم نادى الزمالك، عين وصابت النادى، كابتن الفريق ونجمه الأبرز بلا منافس الأطباء محتارينبشأن التعب الذي يعاني منه وانتشر كلام كثير عن مرض غريب فى الدم.
ياترى إيه اللى حصل لشيكابالا ؟ وحالته الصحية عامله إيه دلوقتى ؟ .. كل ده واكتر هنعرفه مع بعض في التقرير ده.
خلال الساعات اللى فاتت فيه حالة قلق كبيرة قوي على نجم نادى الزمالك، محمود عبد الرازق شيكابالا، اللى هوا واحد من أساطير النادي ورموزه الكبار، فجأة كده ومره واحده كشفت قناة الزمالك عن أسباب غياب شيكابالا عن تدريبات الفريق الأخيرة، وتحديدا ال٦ ايام اللى فاتوا دول.
كشفت قناة نادى الزمالك أن السبب وراء غياب محمود عبدالرازق شيكابالا لاعب الفريق الأول لكرة القدم بالنادي عن مران الفريق خلال الفترة الأخيرة ولمدة 6 أيام قبل مباراة إنبي في الجولة الحادية والعشرين من مسابقة الدوري المصري الممتاز، واللى من المقرر إقامتها على أرضية ملعب ستاد القاهرة الدولي مساء يوم الاحد اللى جاى.
وأكدت قناة الزمالك، أن محمود عبدالرازق شيكابالا عمل تحليل ضد الكوفيد وجاءت النتيجة الخاصة باللاعب سلبية، لكن بعد ما عمل اللاعب بعض الفحوصات، أثبتت إصابة شيكابالا بتورم في الدم بنسبة 36%، وهي ستة أضعاف النسبة الطبيعية اللى من المفترض أنها تكون 6%.
وعشان كده قالت قناة نادي الزمالك أن شيكابالا مش قادر ينزل تدريب بقاله فترة طويلة من بعد ما جه الفريق من تونس، وأكدت أن كابتن فيريرا رايح جي يتصل بيه بيطمن على صحته.
الغريب بقى إن دكتور نادى الزمالك والراجل المسؤول عن الحالة الصحية للاعبين، الدكتور محمد أسامة بيقول أن محمود عبد الرازق “شيكابالا”، قائد الفريق معندوش أي إصابات فى الدم ولا عنده اى حاجه خالص، وده على عكس كلام قناه نادى الزمالك والجماهير.
وفي تصريحات ليه تلفزيونية، قال الدكتور محمد أسامة إن شيكابالا كل اللى عنده شويه إجهاد بس فى العضل بعد آخر مباراة شارك فيها، واخد بعدها راحة لمدة 48 ساعة شعر بعدها شيكابالا بإجهاد عام في كل جسمه.
ونفى تماما الدكتور محمد أسامة الكلام اللى وصفه أنه شائعات ترددت خلال الساعات اللى فاتت عن إصابة شيكابالا بمرض خطير في الدم، وفي نفس الوقت مارداش الدكتور يقول ايه بالظبط اللى حصل مع شيكابالا، وقال إيه أنه مش مصرح ليه يقول اللى عند شيكابالا.وده اللى خلى الجماهير تقلق علي شيكابالا اكتر وأكتر، والكل بقى قعد يخمن إيه اللى جراله، والجماهير هنا اخدت رايين، واحد أن شيكابالا عنده حاجة وده اللى مأثر على حالته الصحية و مش مخلياه يطلع من بيته خالص، لا تمرينات ولا غير تمرينات.
الرأي التانى أن شيكابالا عنده بس شي صعب في الدم ده، واللى محدش عارف عامل معاه ايه لحد دلوقتي ويهبطان لعب كرة بسببه، المهم ربنا يشفيه باذن الله
وأنتم كمان عايزينكم تدعو لشيكابالا فى التعليقات ضروري، يمكن واحد فينا يستجاب لدعائه، وجمهورنا الزملكاوي أو جمهور الرياضة عموماً اعملوا شير للفيديو ده وعرفوا الناس إيه اللى عند شيكابالا وخلوهم يدعو له.
