الملكة رانيا وعروسة ابنها يعيدوا على الأردنيين في الشارع ورد فعل المواطنين مفاجأة

الملكة رانيا لها عادات وتقاليد مع شعبها في الأردن ولا تحب أن تقطعها وتقريبًا الأردنيين أصبحوا ينتظروا المناسبات من أجل أن يروا مواقفها.

عشان كده هي عاوزة رجوة آل سيف عروسة ابنها الأمير الحسين بن عبدالله تكمل المسيرة من بعدها عشان هي اللي هتكون الملكة القادمة طبعاً.. إيه اللي حصل في عيد الأضحى مع الملكة رانيا وابنها وعروسته مع الأردنيين في الشارع؟ وإزاي الناس شافوا موقفها ده؟ وليه حصل تجمهر عليها؟.. كل ده وأكتر هتعرفوه في التقرير التالي:

طبعًا الملكة رانيا العبدالله اللي ربنا ما يقطعلها عادة عملت مع الأردنيين لقطة في الجول وده كان بمناسبة عيد الأضحى اللي استغلتها أحسن استغلال.. وقدرت تجمع الشعب حواليها ومش هي وبس دي خدت معاها رجوة آل سيف عروسة ابنها ولي العهد واللي بينهم وبين بعض كيما حلوة كده ومعاملة لطيفة عشان تأهلها تكمل بعدها.. الملكة رانيا في الأصل واحدة من الأردنيين وعارفة اللي بيعانوا منه وعشان كده مواقفها بتلمس الشعب الأردني لدرجة إنها دخلت قلوبهم من الباب الكبير وعمرها ما هتخرج منه عشان استمرارها في الحاجات الجميلة اللي بتعملها.. وكمان تكملة مرات ابنها للي هي بتعمله هيخلي الأردنيين يحبوها.

واحدة منهم

الملكة رانيا من وقت ما اتجوزت ملك الأردن وهي قريبة من الشعب بتاعها هي أصلًا واحدة منهم والملك اتجوزها عن قناعة بيها وبشخصيتها وهي قدرت تقرب من الشعب وتحببهم فيها.. وعشان كده كلهم كانوا في ضهرها لما احتفلت بفرحتها الأولى في جوازة ابنها البكري الحسين بن عبدالله ولي العهد من السعودية رجوة آل سيف.. وأفراد كتير من الشعب حضروا الزفة وكانوا مبسوطين بكل اللي حصل وفرحة الملكة والملك بابنهم.

العيد فرحة

طبعًا مناسبة زي عيد الأضحى مينفعش تفوت الملكة رانيا واستغلت كده في إنها تقرب أكتر من الشعب قامت نازلة في وسطيهم وخدت معاها الملكة القادمة رجوة آل سيف مرات ابنها اللي اتجوزت من شهر وكان فرحها أسطوري على ابنها الأمير الحسين بن عبدالله وده عشان تهني الأردنيين بالعيد وفرحة استقباله وفي وسط الناس قعدت توزع عليهم العيدية.. أيوه الشعب كان بياخد منها فلوس وقعدوا يبوسوا إيديها ويدعولها وكانوا فرحانين بالخير اللي هي بتعمله وشايفين إنها قريبة جدًا منهم وحاسة بيهم وبكل حاجة بتحصل معاهم.

مواقف زي دي هي اللي بتعلم مع الشعب وبيفضلوا فاكرينها أصل جبر الخواطر ده من الحاجات المهمة اللي كل واحد لازم يكون حريص عليها في حياته لو ربنا فتحها ليه وبقى رزقه واسع وده اللي بنشوفه من الملكة رانيا اللي بتعود مرات ابنها اللي هي أصلا سعودية على عاداتهم وتقاليدهم عشان تكون قريبة من الشعب زيها ودي طبعاً حاجة كويسة وهتخلي الناس تحب رجوة وتتقبلها.. وفي فيديو انتشر ليهم ظهرت فيه الملكة رانيا وهي وسط الزحمة وفي تجمهر عليها عشان الناس ياخدوا منها العيدية.. والكل عارف كرم أخلاقها وهي مسابتش مكان في الأردن غير وعدت عليه وقابلت ستات كبار وأطفال وعملت معاهم الصح وأكتر.

طبعًا ده مش أول عيد تعمل فيه الملكة رانيا كده.. الجديد بس إنها خدت الحسين ابنها ومراته رجوة معاها.. وفي عيد الفطر اللي فات واللي معروف إنه عيد الكحك والبسكويت وقفت الملكة رانيا تحضره بنفسها وكانت لابسة مريلة مخصصة للطهي وهي عادتها مش بتخجل من أي موقف يخص شعبها وعلطول بتشارك وعشان هي قريبة منهم شوفناها سنة 2019 لما حصل حملة تشويه عليها وعلى العيلة المالكة وقدرت تخاطبهم برسالة عتاب والكل تقبلها منها.

الورث مستمر

بالمناسبة مش بس الملكة رانيا وملك الأردن اللي قريبين من شعبها دي الملكة كمان زرعت في ابنها الحسين بن عبدالله أيوه العريس اللي متجوز جديد إنه يكون قريب من الناس ومن شعبه والورث مش بيكون في الحكم وبس ده في ورث كمان في العادات الكويسة والمواقف الحلوة مع الناس وده شوفناه في ولي العهد اللي قريب من الشباب ومعظمهم حضروا معاه تفاصيل يوم عُرسه وكانت أجواء كلها بهجة.