كشف المخرج محمد سامي عن تعرضه لموقف محرج في جولة له في إحدى الدول الأجنبية، وذلك من خلال منشور عبر حسابه الشخصي بموقع التواصل الاجتماعي فيسبوك.
وكتب محمد سامي: كنت في الاسانسير و دخل راجل و مراته ، كانو فرافيش جدا و الراجل قاللي بلذاذة إن ساعتي عجباه و ضحكنا و اتعرفنا و قلتلهم إني مصري و إتبسطوا جدا وزودوها في الإنبساط و قالولي إنهم إنجليز أفورت زيهم وفرحت جدا.
وأضاف: حبيت أجامل زيادة أنا كمان وبصيت لمراته ، ست جميلة و حامل بطنها قدامها متر ، ابتسمتلها و سألتها إنتي حامل في ولد ولا بنت ولقيتهم فجأه سكتوا و الست بصتلي بقرف و قلبت وشها و قالتلي إنها مش حامل أصلا و هنا أنا حسيت إني نفسي الاسانسير يقع ونموت إحنا التلاتة و معانا الطفل اللي هي مش حامل فيه.
وأختتم محمد سامي قائلًا: أكتر موقف إتكسفت فيه فحياتي و ربنا ما يحط حد في موقف شبهه ، باب الاسانسير إتفتح طلعت أجري كأني حرامي موبيلات، وده يعلمني بعد كده أخرس لأني نص مشاكل حياتي سببها إبن ستين كلب لساني
