فرح أسطورى بنكهة تسعيناتى..أغرب الكواليس في زفاف ابنة حميد الشاعري

حبيبته روح السمارة التى أخذت عقله ..كان فرحها الساعات الماضية..وقلب الدنيا بسبب ما حدث فيه! فياترى ماذا؟

فرح بنت حميد الشاعرى “نبيلة”كان بنكهة وأجواء تسعيناتى من الدرجة الأولى ورجعونا لأيام كنا ساعتها عيال،وإتجمع فيه الحبايب بعد سنين ،وقدرنا نشوفهم فى وقت واحد زى ما حصل فى فرح أحمد عصام اللى كان تريند ساعتها بردوابسبب اللى شوفناه فيه !

مين نبيلة بنت حميد الشاعرى؟ وبنت مين من ال5 اللى إتجوزهم أبوها ؟أسرار وكواليس هتعرفها لأول مرة حصلت فى الفرح وقبل وبعد الفرح كمان!

الساعات اللى فاتت مفيش حد مش بيتكلم إلا عن فرح بنت حميد الشاعرى..والمواقف الحلوة اللى حصلت فيه!فى اللى إتكلم عن البزخ والثراء الفاحش كالعادة يعنى !وده طبعا مش جديد على فنان! وفى اللى ركز فى التفاصيل ..

حميد أحتفل بجواز بنته نبيلة فى أفخم الفنادق فى مصر على شاب من خارج الوسط الفنى إسمه شوان محمد ..
إطلالة نبيلة خطفت الإنظار ..وإستايل الفستان كان رويال خالص!

الحقيقة إن المعازيم هم اللى خطفوا الأنظار وسحبوا البساط من تحت العرسان ،وركبوا التريند! تخيل..
تخيل لما فرح يكون فيه عمرو دياب ،مصطفى قمر،أيهاب توفيق،محمد فؤاد،وأبو العروسة حميد الشاعرى ..غير نجوم كتير من الفن ! الليلة كانت اون فاير خالص.

النجوم دول مش محتاجين لنجوم تانية فى الفرح! قاموا بالواجب وزيادة ،وتشوفهم على المسرح الله أكبر شباب فى العشرينات “نمسك الخشب ”

عمرو دياب وجه كلامه للشاعرى والمعازيم وقال حميد الشاعري أخويا وعشرة عمري وانا بغني النهاردة في فرح بنتي مش بنته،وطلب منه يطلع معاه على المسرح وقال مش هخليه يدفع بس يجى جنبى هنا ..

مش بس كده بخفة دم كمان قاله أول مرة أشوف حميد الشاعري لابس بدلة، أول مرة نغنى ببدل بعد الترنجات.. ووجب مع العرسان على الأخر وغنى قديم وجديد مخلاش! ده غير إن مصطفى قمر كان بيعزف على الجيتار ..وغيره ماسك الطبلة! وحقيقى الفرحة مكانتش سيعاهم..

8بداية التعاون بين عمرو دياب وحميد الشاعري، كانت من حوالى 34 سنة تحديدًا في 1988، في ألبوم «ميال»، ووزع الشاعري أغنية «نور العين»، اللى بتعتبر من أشهر أغنيات عمرو دياب..يعنى عشرة عمرة فعلا زى ما قال!

الشاعرى قدم لبنته هدية فى الفرح مكتوب عليها “بابا يا أبو قلب كبير”
نبيلة الشاعرى فى مارس 2022 كانت أعلنت على صفحتها الشخصية عن خطوبتها وقالت :هذا الشهر تمت خطوبتي لأقرب إنسان لقلبي شوان، أنت أجمل هدية من الله.

ولإن بنت الوز لازم تبقى عوامة،نبيلة دخلت مجال الفن زى والدها وبدات مشوارها الفنى بأغنيتها الإنجليزية بيتر زان مى ونشرتها على قناتها على اليوتيوب..

طيب ياترى نبيلة بنت أى زوجة من الخمسة الى إتجوزهم الشاعرى؟
في حواره مع الإعلامية أسما إبراهيم في برنامج حبر سر على قناة القاهرة والناس لما سألته عن حياته الشخصية وعدد المرات اللى إتجوزها ، قال بكل صراحة : تزوجت 5 مرات والجواز حلالي بلالي، وتزوجت وطلقت أكثر من مرة، وأكبر عدد كان على ذمتي كان زوجة واحدة فقط، أنا مش مجنون علشان اتجوز 2 على بعض، فواضح بقى إن ده كان على الخاطر و كان في النية حقيقى يعنى! .

وقال كمان إن سبب فشل علاقاته الزوجية مش من الستات اللى إتجوزهم وإنه مستحيل يحملهم فشل العلاقات دى ، وقال إن ممكن يكون هو متعب وبإستغراب قال ليه نقول إن المرأة السبب؟ الجنة تحت أقدامهم.
وفى حواره في برنامج عائشة على صدى البلد قال إن أول جوزاة له كانت من إنجليزية وكان عنده وقتها 17 سنة وإستمرالجواز سنة وحصل الإنفصال .

وبعد كدة إتجوز بنت عمه وكان عنده 19 سنة فالمذيعة سألته هل كان الجواز تقليدى ؟ قالها أه نوعا ما بنت عمك مش زى أختك يعنى جواز أقارب . وإستمر الجواز 6 شهور بس وإنفصلوا ،وقال إن سبب الإنفصال إنها رفضت تيجى معاه مصر وتسيب ليبيا . كمان إتجوز من سيدة كندية وده عرفناه لما نشر صوره له مع بنته وزوجته وكتب سيلفى عائلى مفاجئ . ويقال إن نبيلة بنته من السيدة الكندية!
أما بقى الجوازتين الباقيين مصرحش بأى تفاصيل عنهم. ياترى ليه؟