الحج بأصبح يحتاج أموال كثيرة لا يقدر عليها كل الناي، لذلك فإن الكثير يبحث عن فرصة من أجل أداء فريضة الحج بأقل تكلفة، فما بالك إن كان هناك رصة بالمجان وسوف تتقاضي مرتبا وبدلات وحوافز مقابل خدمتك حجاج بين الله الكريم والذي له أجر كبير عند الله أيضا .
أنا لو مكانك مش هلاقي فرصة أحسن من كدة خاصة إنه باب رزق ميتقالوش لأ، خليك معانا في الفيديو ده وإحنا نقولك إيه الشروط وإزاي تقدم على عمالة الحج وتسافر في موسم حج 2023.
مع بدء موسم الحج كل عام، بيتوافد آلاف العمال، من خارج المملكة العربية السعودية، وداخلها، لـ المشاعر المقدسة في مكة المكرمة والمدينة المنورة وده عشان يشتغلوا في مهن بتفرضها الحاجة الموسمية لخدمة ملايين الحجاج، واللي من رأيهم إنه مصدر دخل موسمي وباب رزق مؤقت لهم مينفعش يقولوله لأ.
طيب يا ترى بالنسبة للمصريين إيه هي أنواع الوظايف المطلوبة، ومواعيد التقديم والاوراق والإجراءات اللي لازم تتعمل عشان تضمنوا اختياركم للسفر ضمن عمالة الحج؟
بص ياسيدي حمدي إمام، رئيس جمعية رجال الأعمال أصحاب ومديري شركات التوظيف المصرية، أعلن عن تفاصيل عمالة الحج ومواعيد التقديم والأوراق المطلوبة للسفر، وده عشان كل اللي هيسافر هيشتغل في موسم الحج لعام 1444 هجرية يعني السنة دي 2023.
ولو انت فاكر إن العملية متسابة كدة وأي حد ممكن يسافر تبقى غلطان وده لأننا هنا عندنا مؤسسات وهيئات بتنظم سفر عمالة الحج
زي وزارة القوى العاملة، واللي اتفقت مع وفد من القنصلية العامة السعودية بالقاهرة برئاسة القنصل العام سلطان السبيعي، وفيصل العتيبي الملحق العمالي السعودى، دي كمان ناقشت الموضوع مع ممثلين عن شركات إلحاق عمالة مصرية إلى الخارج.
واتكلموا عن كل تفاصيل تنظيم إجراءات سفر العمالة المصرية الموسمية لـ السعودية منها مستويات الأجور والمنح والبدلات والحوافز التشجيعية.
وقال إمام في تصريحات صحفية، إن بداية التقديم على العمل في موسم الحج لعام 1444 هجرية، كان من أول شهر رجب اللي فات، على مهن “سائقين وجزارين ومساعدين جزارين وحلاقين، وعمال مطارات، وعمال فنادق
واحد هيقولي ما رجب عدى.، لا ياسيدي التقديم مستمر لأن الناس هتبدأ تسافر فعليا في شهر رمضان وكمان عمالة السواقين بيسافروا أول ناس وأخر ناس بترجع .
أما رواتب العمالة خلال موسم الحج، فـ اتكلم عنها إمام، وقال إن الرواتب ب تبدأ من 1250 ريال شهريا لعمال المجازر والمساعدين والمطارات و3500 ريال شهريا للسائقين مع الإقامة المجانية طبعا.
أما عدد عمالة الحج فـ بتكون حوالي 30 ألف عامل منهم 23 ألف سائق يعني من الأخر السواقين حظهم حلو وأكتر ناس بتتقبل في عمالة الحج.
مش بس كدة ده كمان قال إمام، إن الأوراق المطلوبة من عمالة الحج للسفر، بسيطة جدا وعبارة عن جواز سفر ساري لمدة متقلش عن سنة، وفيش وتشبيه، وفحص طبي فيروسات، من المعامل المركزية التابعة لوزارة الصحة والسكان بقيمة 500 جنيه للشخص الواحد.
ده كمان قال إن في حوالي 50 شركة من شركات إلحاق العمالة بالخارج بتشترك في سفر العمالة الموسمية للعمل بموسم الحج من إجمالي 1300 شركة، وطبعا دي كلها شركات معروفة بس لو عايز تطمن ف وزارة القوى العاملة بترشح من 7 – 10% من الشركات دي للناس وتقدر تدخل على موقع الوزارة.
الجميل بقا إن العمالة الموسمية المصرية رجعت تاني تشارك في موسم الحج السنة دي وده بعد ما كانت واقفه لمدة سنتين عشان جائحة كورونا، وأخر عمالة موسمية سافرت كانت في 2019 وقتها السعودية اتعاقدت مع 32000 عامل مصري
دلوقتي قولنا مستني إيه عشان تقدم على عمالة الحج؟، وهل تعرف حد من قرايبك سافر تقولنا تجربته؟
