آخر الأخبار

مفاجأة من تجار الصاغة للشباب وتوفير شبكة ذهب بـ 3000 جنيه فقط

لو انت بتفكر تتجوز ولديك قلق من ارتفاع أسعار الذهب و تحسبها كل يوم وتقول ياترى كم ستكون قيمة الشبكة، حتى لو معك أموال بالطبع بعد الاحداث الاقتصادية التي نشهدها فإنك تخشي من أن تقل قيمتها مع ارتفاع سعر الدولار، اليوم سنقول لك الحل من خلال هذا التقرير فتابعونا.

الكلام ده بجد متقلقوش انتوا ممكن تشتروا دهب دلوقتي بأقل من 3000 جنيه، طب إزاي الكلام ده ومنين نقدر نشتري ، تابعونا في حلقتنا عشان تعرفوا كل التفاصيل:

الدهب جنن الناس كلها الفترة اللي فاتت خاصة العرسان اللي عايزين يشتروا دهب عشان يتجوزا وده لأن أسعار المعدن الأصفر شهدت ارتفاعات جنونية وزادت بنسبة كبيرة. الحل بقى في إنك تشتري مشغولات دهبية رخيصة وعلى قد الايد، وتخيل إنها مش هتزيد عن 3 آلاف جنيه.

الكلام ده حقيقي؟ أيوة طبعًا وده حسب تصريحات نادي نجيب، سكرتير عام شعبة الذهب السابق بغرفة القاهرة التجارية، قال إن كل شخص يقدر يشتري كل اللي محتاجه حسب الفلوس اللي معاه.

قال كمان إنه هييكون قدامك خيارات كتيرة خاصة لو كنت عريس ومقبل على الزواج. فمثلا ممكن الشبكة تكون عبارة عن كوليه يختارة من بين أشكال كتيرة جدا بتكون معروضة في محلات الصاغة لكوليهات خفيفة فيها تعليقة عبارة عن قلب أو كف، وبتكون أسعارها ما بين 2500 و3000 جنيه.

عشان كدة كل الشباب المقبلين على الزواج ممكن يكتفوا بالكولية ده كهدية شيك وممكن بردو يشتروا منتجات تانيه كتير من مشغولات ذهبية بأقل من 3000 جنيه. زي مثلا إنهم يجيبوا سلسلة ذهب عيار 18 وزنها كله بيكون جرام و سعرها على قد الإيد في حدود 1577 جنيها.

قال كمان إنك ممكن تكتفي بختيار دبلة خفيفة وخاتم، وده لأن عندك في خواتم دهب من عيار 18 وزنها كله بيبقي جرام أو أقل من 2 جرام، وسعره كله بيكون ما بين 1577 و2500 جنيه.

وممكن كمان تختار حلق ذهب عيار 18 بتبدأ أوزانه من جرام وجرام ونص، والسعر بيكون ما بيتراوح بين 1577 جنيه 2400 جنيه.  وتقدر تشتري دلاية سلسلة عيار 18 بيكون وزنها كله من جرام وأقل من جرامين وبيتراوح سعرها ما بين 1577 أو 3000 جنيه.

عندك بقا حل تاني ممتاز وده اللي نصحوا بيه أعضاء غرفة صناعة المشغولات الذهبية باتحاد الصناعات وهو انك تشتري المشغولات الدهبية المجوفة.

يعني إيه ؟ هقولك ياسيدي، أسواق الذهب في الفترة الأخيرة ظهرت فيها المشغولات الذهبية المجوفة، ودي عبارة عن مشغولات خفيفة الوزن ولكن صناع الدهب بيخلوها مجوفة من جوه عشان توصل لوزن قليل ويقدر أي مواطن على سعرها، وهتلاقي منها أشكال كتيرة زي الدبل والخواتم.

قولنا بقا لو انت عريس مستني إيه عشان تشتري الشبكة؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى